ঙরাং পারলিয়ামেন্টকি নীনী চনবা নুমিত্তসু অহানবা মীফম হৌদোকখিবা নুমিৎ নবেম্বর ২৫ দা তৌখিবগুম ওপ্পোজিসন পার্টিশিংনা অকনবা ঈরাং হৌরকপদগী হাওস অনিমক্তা বিজিনেস অমত্তা চত্থবা য়াহনখিদবনা ঙরাং নিংথম মীফমগী নীনী চনবা নুমিত্তসু ওপ্পোজিসন পার্টিশিংনা অকনবা খোল্লাউ কয়াগা লোয়ননা মনিপুরগী ইস্যু, গৌতম অদানিগী ব্রাইবরি চার্জ অমসুং তোঙান তোঙানবা ইস্যু কয়াগী মতাঙদা সভাদা খন্নগদবনি হায়না তকশীন্দুনা মেম্বরশিং অদুনা লোক সভা অমদি রাজ্য সভাগী ৱেলশিংদা চঙশীল্লক্তুনা খোল্লাউ কয়াগা লোয়ননা ঈরাং হৌরকপদগী সভাগী নোর্মেল বিজিনেস অমত্তা চত্থবা য়াহনখিদ্রে।
রাজ্য সভাগী চ্যেরমেন জগদিপ ধনকরদা ওপ্পোজিসন মেম্বরশিংনা নোটিস কয়ামরুম পীশীন্দুনা ইস্যুশিং অদুগী মতাঙদা এদজোর্নমেন্ট মোসন পুখৎপা য়াহন্ননবা ৱাফম কয়া তকশীল্লকখি। অদূম ওইনমক জগদিপ ধনকরনা নোটিস পূম্নমক রিজেক্ট তৌখি।
কংগ্রেস লুচিংবা অমসুং লোক সভাদা ওপ্পোজিসন লিদর ওইনা লৈরিবা রাহুল গান্ধী, কংগ্রেস লুচিংবা জয়রাম রামেস অমসুং অতৈ ওপ্পোজিসন মেম্বরশিংনা হন্দক দিল্লিদা ক্রাইম থোকপগী মশীং য়াম্না হেঙ্গৎলক্লিবা অদূগী মতাঙদসু খন্ননবা তকশীন্নরকখি। সভা অনীমক্কি মীফম ঙসি নবেম্বর ২৮ ফাওবা য়ৈথোকখি।
You may also like
-
এম পি এ লিংখৎখিবগী ৩৯ শুবা কুম্মোন-থৌরম মায়পাক্না পাঙথোকখ্রে
-
মীয়াম্না লম্বী থিংবগী অকনবা খোঙজং চঙশীনখ্রে
-
ক্বালিটি মেন্টেইন তৌদবা প্রোজেক্ট নত্রগা কন্সট্রক্সন ৱার্ক অমত্তদা বিল পীদনবা সি এম্না মরী লৈনবা অথোরিটিদা খঙহনখ্রে
-
থাঙ্গাল কৈথেল শেমগৎপগী থবক অথূবদা লোইশিন্ননবা চিফ মিনিষ্টরনা মরী লৈনবশিংদা খঙহনখ্রে
-
পাঙ্গৈদা ক্লিনলিনেস দ্রাইব পাঙথোক্তুনা খ্বাইদগী লূ-নানবা খুঙ্গং ওইহন্ননবা থবক পায়খৎখ্রে