চৎলিবা থা অসীগী তরেৎকি নুমিদাং পূঙ মাপন খরা হেল্লকপা অদুৱায়দা সেন্ট্রেল ব্যুরো ওফ ইনভেষ্টিগেসন (সি বি আই) গী টিম অমনা লুচিংবা সেন্ট্রেল ফোর্স কি কাঙবূ অমনা মশাগী ময়ূমদগী ফাদুনা পুখিবা আরম্বাই তেঙ্গোল ( এ টি) জেনরেল হেদ ক্বার্টরগী ফায়টিং কম্মান্দর আসেম কানন ঙরাং অয়ূক পূঙ ৯.২৫ তারকপা মতমদা সিবিআই না দিল্লিদা পুখ্রে। হৌখিবা থাংজা নুমিৎকি নুমিদাংদা আসেম কানন য়াওনা এ টিগী থৌমী মঙা সিবিআই না লুচিংবা সেন্ট্রেল ফোর্স কাঙবূ অমনা ফাগত্তুনা পুখিবদগী এ টিগী মশীঙ য়াম্লবা থৌমীশিংগা লোয়ননা মৈরা লূপশিং অমদি লমদম অসীগী মীয়াম হৌরক্তুনা অকনবা খোল্লাউ কয়াগা লোয়ননা ঈরাং হৌরকখিবনি।
মীয়ামগী ঈরাং নমথনবা হোৎনবদা মনিপুর পুলিসকা অকনবা মওংদা মূক্নরকপদগী অশোক- অপন কয়ামরুম য়াওরে। আসেম কানন অসী হৌখিবা কুমশিং ২০২৪ গী ফেব্রুয়ারি থাদা পোরোম্পাৎ পুলিশ ষ্টেসনদা এদ্দিস্নেল এস পি ওইনা লৈখিবা মোইরাংথেম অমিট পু ৱাংখৈদা লৈবা মশাগী ময়ূমদা এ টিগী কাঙবূ অমনা এত্তেক চত্থবতা নত্তনা কিদনেপ তৌদুনা পুরুবগী থৌদোক অমা লৈখিবনি। হায়রিবা এসোল্ট অমসুং কিদনেপ্পিংগী থৌদোক অদূগী মেইন সস্পেক্ট অসী আসেম কানননি হায়রি।
এদ্দিস্নেল এস পি মোইরাংথেম অমিটতা এত্তেক তৌখিবা মতমদুদা আসেম কানন অসী ষ্টেট পুলিসকি কম্মান্দো য়ুনিটতা হেদ কন্সটেবল অমা ওইনা এতেচ তৌদুনা লৈরম্বা মীশক্নি। মহাক খূদক্তা অথোরিটিনা সস্পেন্দ তৌখি। মদূগী মতূঙদা এ টিদা জোইন তৌখিবনি হায়রি।
You may also like
-
কোহসেমগী ইগজাম হৌবা নুমিত্তা মহৈরোয়শিংনা মখোয়গী অন্সর স্ক্রিপশিং মৈ থাদোকখ্রে
-
কীষন,তোকেন,রাজেন লৈখিদবগী ১৭ লক শুবা নীংশীং থৌরম পাঙথোকখ্রে
-
ষ্টার্টঅপ ইকো সীস্তেমদা মনিপুরনা অৱাং নোংপোক লমদমদা মাঙজীল থানা চৎলি: চিফ মিনিষ্টর
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে