হৌখিবা কুমশিং ২০২৩ গী মে অহুমদগী হৌরকখিবা মৈতৈ-কুকি কম্যুনিটি অনীগী মরক্তা থোক্লিবা হীঙশাগী ঈরাঙ অসীনা মরম ওইরগা ষ্টেট অসীদা হৌজিক হৌজিক মীয়ামগী পেন্নদবগী অকনবা খোল্লাউ অমসুং মীকপ মীরাওখোল মরক্তা দেভেলপমেন্ট কি থবক-থৌরমশিং অমত্তা মপূঙফানা পায়খৎপা ঙমদনা লৈরবগুম তৌরি।
চিফ মিনিষ্টর পূক্নিং লৈতানা মীয়ামগী চাওখৎ-থৌরাংগী মায়কৈদা খন্থদুনা থবক তৌবা ঙমদ্রি। দিল্লিদগী মথক থোংবা লুচিংবশিংনা ঙাইহাক লৈতনা কৌরক্তুনা, হৌজিক ষ্টেট অসিদা থোক্লিবা ঈরাঙ অসিগী মতাংদা করম্বা থৌরাং লৌখৎলবগে হায়না ৱাহং ময়াম হংদুনা লৈরি। ঈরাং নেমহনবা ঙম্বা সেন্টরনা তুমিন্না লৈরি, চিফ মিনিষ্টর কৈদৌরিবগে হংদুনা, ঈখঙ খঙশীন্নদনা লৈরি।
চৈরকশিদা মনিপুরগী কেপিটেল সিটি ওইরিবা ইম্ফাল সিটিগী মচী-মচীদা, মায়কৈ খূদীংদা মতম শাংনা খোমদোক্তবা শেংদোক্তবদগী, পৈখত্তুনা লৈরক্লবা ফত্ত-হৌদী ময়াম্না চীঙদূম অমমমগা মান্ননা লৈবদগী মীয়ামগী পব্লিক হেল্থ কি হীরমদা য়াম্না অকীবগী মশক ওইরক্লি। ইম্ফাল ম্যুনিসিপাল কোর্পোরেসন্না থবক তৌদবগী মমি চাউনা তারি।
স্মার্ট সিটিগী লিষ্টতা চল্লবা ইম্ফাল সহর্ অসী ঙসীদি খ্বাইদগী মোৎলবা মালেমগী মফম অমগী মতৌগুম মীওইবনা হঙ্গোইনরবা মফম হায়বদু ওইরক্কদৌরে। মরী লৈনবা অথোরিটিনা মতম চানা থবক লৌখৎপিয়ু, সহর অসী লূ-নান্না থমসী হায়না মীয়াম্না ফোঙদোরক্লি।
You may also like
-
শৈখ হাসিনা মরৈপাক্তা হল্লগনি হায়না ফোঙদোকখ্রে
-
মাইবা-মাইবিদা থৱায় লূপ্পীরুরনু, মেদিকেল সাইন্স খম থেংনা চাওখৎলবনি: এম এম সি
-
লৌমীশিংগী ওর্গানাইজেসন মপাঙ্গল কনখৎহনবা তঙায়ফদে: বিজু ক্রিষ্ণানন
-
দিল্লি পুলিসনা এম পি বিমোল কৌখৎলক্লে, মীয়াম্না বি জে পিগী ওফিসতা থোমজীনখ্রে
-
হোক্কি শান্নরোয়শিং চিফ মিনিষ্টরনা তরাম্না ওকখ্রে