রাইট ৱিংনা চত্থরক্লিবা এন্টি-পিপল ওইবা থবক থৌরমশিং থেংনদুনা মায়থীবা পীননবা লৌমী-শিন্মীশিংগী ওর্গানাইজেসশিংগী মপাঙ্গল কনখৎহনগদবনি হায়না ওল ইন্দিয়া কিষান সভাগী জেনরেল সেক্রেটরি বিজু ক্রিষ্ণানন না ফোঙদোকখ্রে।
বিজেপিনা লুচিংবা সেন্টর লৈঙাক্না লৌমী মীয়ামগী মায়োক্তা পাস তৌখিবা অমুবা আইনশিং লৌথোক্কদবনি। মনিপুর মীয়ামগী লুচিংবা হিজম ইরাবোৎ অসী অসাম, সুর্মা ভেলি, মনিপুর অমদি অৱাং নোংপোক্তা লৈরিবা অতৈ ষ্টেটশিংগী লোমী মীয়ামগীসু লুচিংবা অমা ওইখি। মহাক্কি লাঙ্গোল কারনগী অঙাঙবা ফীরাল মখাদা লৌমীশিংগী ফীভম ফগৎহন্ননবা মনিপুর লৌমী মরূপ্না থবক-থৌরম কয়ামরুম পায়খৎলক্লি হায়না মহাক্না শীঙথাখি।
ঙরাং মনিপুর লৌমী মরূপকি ২৪ শুবা কনফরেন্স অমা ইম্ফালগী পিশুম চীঙা মখাদা লৈবা পেন্সনর্স ওফিসতা, মরূপ অসীগী প্রেসিদেন্ট নোংমাইথেম থোইবনা লৌমীগী ফীরাল চিংখত্তুনা পাঙথোকখি। থৌরম অদুদা ৱা ঙাঙবদা বিজু ক্রিষ্ণানন না ৱাফম অসী ফোঙদোকখিবনি।
মনিপুর লৌমী মরূপকি মপাঙ্গল কনখৎহন্দবা য়াদবনি হায়বা ৱাফম মহাক্না থমখি। মীফম অদুদা দিমান্দ ১০ য়াওবা চার্টর ওফ দিমান্দ পাস তৌখি।
