কুমজা ২০২৩ গী নবেম্বর ৩০ দা এন এস সি এন -আই এমগা মরী লৈনবনি হায়না চিংনবা, মাস্ক ঊপ্পা মীওই খরনা অমম্বা অহীঙগী মতমদা ঊখ্রূলদা লৈবা পঞ্জাব নেস্নেল বেঙ্ক (পি এন বি) তগী লূপা ক্রোর ১৮.৯৮ লুট তৌখিবা অদূগী মরী-মখোঙ, মখোয়বু ফাবা ঙম্ননবা মওংদা পাউ পীবা ঙম্বা মীওইদা লূপা লাখ অনীগী রিৱার্দ লাউথোকখ্রে।
পঞ্জাব নেস্নেল বেঙ্ক, ঊখ্রূল ব্রাঞ্চতগী লুট তৌদুনা য়াম্লবা শেনফম লৌথোকখিবা থৌদোক অদূগী মতাঙদা নেস্নেল ইনভেষ্টিগেসন এজেন্সি এন আই এ না কেস নম্বর আর সি-০২/২০২৫/এন আই এ/ ইম্ফাল অসীগী মখাদা ইনভেষ্টিগেসন চত্থদুনা লাকখিবনি।
এন এস সি এন -আই এমগী মী ওইগনি হায়না এন আই এনা চিংনরিবা মীওইশিং অদূগী মথক্তা হন্দক নৌনা ৱান্টেদ নোটিস ইস্যু তৌরকখিবনি। পাউ পীরকপা মীওইশিংগী মরী-মখোঙ পূম্নমক অরোনবা ওইনা থমগনি, কনাগুম্বা অমত্তদা খঙহনবা তৌরোই হায়রি।