মীয়ামগী লুচিংবা ওইনা মীয়াম্না ভোৎ পীদুনা লেজিসলেটিব এসেমব্লি অমদি পার্লিয়ামেন্ত কি হাওসতা লৈহনখ্রবা মেম্বরশিং অসিনা মীয়ামগী অমদি লৈবাক্কিদমক পূকচেল শেংনা থবক তৌরক্তবদগী ঐখোয়গী মীয়াম্না ঙসী অৱাবা খুদোংচাদবা কয়া মায়োক্নদুনা লাক্লিবনি। লুচিংবশিং অসিনা মমাঙ অমসুং মতূঙদা এস্কোর্ট গারীশিংনা ঙাক-শেল্লগা লম্বীদা ফ্লেগ পোষ্ট থেত্তুনা চৎপদা লম্বীগী চিদাইদা চরা হেন্দুনা খোল্লাউ কয়াগা লোয়ননা ৱাকৎলিবা মীয়ামদুগী মনীঙ থুংদবা করি লৈরিবগে হায়বসি খন্থরুবা তৌদে।
অসিগুম্বা, মশাখক্কি অমদি ঈমূঙ-মনূঙখক নুঙাইহৌরগা লোইরে খন্দুনা মীয়ামগী চাকথূঙ মৎলিবা লুচিংবা শাবশিং অসিনা লময়ানবা ইরাবোৎকি অমদি জাতিগী মপা গান্ধিজিগী মপোক নুমিৎ লাকপদা হৈরাঙ-লৈরাং কত্তুনা ঈকায়খুম্নবা ঊৎলিবসি মথন্তা ঈকায়ফম থোকপনি হায়না সোসিয়েল এক্টিভিষ্ট অমা ওইরিবা ফাউন্দেসন ফোর রুরেল অর্বান দিবেলপমেন্ত কি প্রসিদেন্ট এল তোম্বনা ফোঙদোকখ্রে।
ফাউন্দেসন অসিগী পোরোম্পাৎ জেনিমস রোদতা লৈবা ওফিসতা পাউমীশিংগা উনবগী থৌরম অমদা মহাক্না ৱাফম অসী ফোঙদোকখিবনি। লুচিংবা শাবশিং অসিনা মশা মশাগী ইন্টরেষ্টখক য়েংদুনা লৈরি অদুগা ঈরমদম অসিদি মীতোপ্না মচেৎ কয়া থোক্না থুগাইদুনা লৌশীন্নবা হোৎনরক্লি।ঙসিগী মনিপুর তঙদূ-লৈতানা লৈবা ঙমদ্রি হায়খি। লৈঙাক্লোয়শিংনা মীয়াম অসীবু লমজীঙবিয়ু, ঈরমদম মৈ চাক্লিবসি কলহৌরসি। মনিপুর কনশি হায়রবদি ঐখোয়বু লমজীংবিয়ু, নতূঙ ইঞ্জরক্কে, হৌজিকসু মতম লৈরি হায়বা ৱাফমশিং তোম্বনা ফোঙদোকখি।
You may also like
-
চাইল্ড প্রোটেক্সনগী এৱ্যের্নেস প্রোগ্ৰাম পাঙথোকখ্রে
-
পাউনম সুন্দর হৈঙাং কেন্দ্রদা এম দি পি এফকি মীরেপ ওইরগনি
-
চিফ মিনিষ্টরগী বাংলোদা থোমজীল্লকখিবা মীয়াম অথীংবা পীখ্রে
-
লম্বী-থোং শেম্বা লোইশিনবিরো, পোং লম্বীদা এম্বুলেন্স চৎপা য়াবা থোং শাবিয়ু: তোম্বা
-
মর্জর এগ্ৰিমেন্ট গী মায়োক্তা কৌখিবা টুটেল সটদাওন্না মহৌশাগী পুন্সিদা চাউনা অকায়বা পীখ্রে