ঙরাং লময়ানবা হিজম ইরাবতকী ১৩০ শুবা মপোক কুম্মোন থৌরম গা মরী লৈননা হৈরোক দেভেলপমেন্ট ক্লব (ঐচ দি সি) গী থৌমীশিংনা মায়কৈ অদোমগী মৈরা পায়বী লূপকা খূৎশম্নরগা লম-তু শীৎ-শেংদুনা লূ-নান্না লৈনবগী পাউজেল মীয়ামদা পীখ্রে।
লময়ানবা নেটা হিজম ইরাবতকী মীতমদা মীয়াম্না হৈকৎ-লৈকৎ তমদুনা লুচিংবা অসীগী মফমদা ঈকায়খুম্নবা ঊৎখি। মদূগী মতূঙদা মনিপুর ফাউন্দেসন্না শীন্দুনা পাঙথোকখিবা লূ-নানবা চাংদম্নবগী থৌরমদসু ক্লব অসিনা শরূক য়াখি।
নেটা হিজম ইরাবত না পামজরম্বা ৱাখল্লোন কয়াদু থবক্তা ওন্থোক্তুনা চাওখৎলবা মনিপুর অমা ওইহন্ননবা থবক পায়খৎলসি হায়না ঐচ দি সি ক্লবকি সেক্রেটরি হিজম দিনেশনা থৌরমদুদা ফোঙদোকখি।
