দিপার্টমেন্ট ওফ ফাইনান্সিয়েল সর্বিসেস (দি এফ এস) না গ্লোবেল ফিন্টেক ফেষ্টিবেল,২০২৬ কি মনূঙ চন্না টেক্নোলোজি-দ্রাইভন মিজর অহুমগী মায়খূম হাংদোকখ্রে। মসীনা ইন্দিয়াগী ফাইনান্সিএল ইনক্লুজন আর্কিটেকচরগী মপাঙ্গল হেন্না কনখৎহল্লগনি। দিজিটেল বেঙ্কিং এক্সেস, ফোর্মেল ক্রেদিট অমসুং লাষ্ট-মাইল কেস সর্বিস অসীনচিংবসু হেন্না পাকথোক-চাউথোকহল্লগনি। দি এফ এসকি সেক্রেটরি সঞ্জয় লোহিয়ানা ওপন-সোর্স এন্দ্রোইদ এ টি এম অমা লোঞ্চ তৌখি। মসীনা পর্সনেলাইজ্ রুপে দেবিট, ক্রেদিট অমদি এন সি এম সি কার্দশিং খূদক-খূদক্তা ফংহল্লগনি। মারচেন্ট য়ূপিআই ক্যু আর কোদশিংসু ফংহল্লগনি হায়রি। থৌওং অসীনা টর্নএরাউন্দ টাইমসু মহৌশা চয়োল অমগী মথক্তা মতম লৌরম্বদু হৌজিক্তি মিনিট লোমদা তেন্সীলহনবা ঙম্লে হায়না খঙহল্লক্লি। মেচিনশিং অসীনা চেক দিপোজিৎ, এক্কাউন্ট হাংবা অমসুং লোন এপ্লিকেসনগী থবক্তসু চাউনা মতেং পাংবা ঙম্লগনি।
বেঙ্কশিংনা মখোয়গী দিজিটেল বেঙ্কিং য়ুনিৎশিং সেমি-অর্বান, রুরেল এরিয়াগী মফম কয়াদা হাংদোক্নরক্লি। এস বি আই, পি এন বি, বি ও আই, সেন্ট্রেল বেঙ্ক ওফ ইন্দিয়া, য়ূ সি ও বেঙ্ক, স্লাইস স্মোল ফাইনান্স বেঙ্ক অমদি এয়রটেল পেমেন্টস বেঙ্ক হায়রিবা বেঙ্কশিং অসীনা এন পি সি আই অমদি এটিএম ও ই এম এস হিটাচি পেমেন্ত সর্বিসেস, পর্টো ইন্দিয়া অমসুং ভোর্টেক্স ইঞ্জিনিয়ারিংগা খূৎশম্নদুনা থবকশিং অসী পায়খৎপনি। মসীগী মখাদা ইলিজিবল ওইবা কিষান ক্রেদিট কার্দ অমসুং পি এম মুদ্রা য়োজনাগী বেনিফিসরিশিংদা য়ূ পি আইগী খূত্থাংদা ক্রেদিট লাইন পীরি। স্কিমশিং অসীনা পূন্না লূপা ক্রোর লাখ ৭.৭ কি ওপরেটিব কে সি সি এক্কাউন্টশিং কভর তৌখ্রে, মখোয়না সেঙ্কসন তৌরিবা লিমিটনা লূপা ক্রোর লাখ ১০ গী মথক্তনি অদূগা ক্রোর লাখ ৪০ হেনবা শেনফম বেনিফিসরি ক্রোর ৫৭ হেনবদা পি এম মুদ্রা য়োজনাগী লোন ওইনা পীবা ঙমখ্রবনি হায়রি।
এইপিএস থ্রী-পার্টি কেস দিপোজিৎ ফেসিলিটি অসীনা ই-কেৱাইসি তৌরবা কষ্টমরশিং কেস ওইনা মশাগী এক্কাউন্টদা দিপোজিট তৌবসু ঙমহল্লে। আধার বাইওমেত্রিক ওথেন্টিকেসন অমসুং বেনিফিসরি ভেলিদেসন না ট্রাঞ্জেক্সন সেক্যুরিটিগী মপাঙ্গল হেঙ্গৎহনবা ঙম্লি। বেঙ্ক ১৪ দা খুদোংচাবা অসী হৌজিক লৈরে হায়না খঙহল্লক্লি।