রিপব্লিকান পার্টি ওফ ইন্দিয়া, অথৱালে ( আর পি আই এ) গী নেস্নেল প্রসিদেন্টসু ওইরিবা য়ুনিয়ন মিনিষ্টর ওফ ষ্টেট ফোর সোসিয়েল জষ্টিস এন্দ এম্পৱার্মেন্ট রামদাস বন্ধু অথৱালে না মনিপুরগী সি এস ওশিংগী লুচিংবশিংগা উনদুনা হৌজিক ষ্টেট অসীগী মীয়াম্না চঙশীল্লিবা খোঙজঙশিং অমসুং লৈরিবা ইস্যুশিং অসীগী মতাঙদা কূপ্না খন্ন-নৈনখ্রে।
চাউরাক্না পূঙ অনীরোম চঙনা খন্নখিবা অদুদা পার্টী অসীগী নেস্নেল জেনরেল সেক্রেটরি মাহেশ্বর থৌনাউজমসু শরুক য়াখি। ৱারী শান্নবগী মীফমদু লোইরবা মতূঙদা সি এস ও ১৪, কংলৈপাক্কি কনভিনর শান্ত নহাকপম্না হায়, মপান লৈবাকশিংদগী মনিপুরদা নৌনা চঙশীল্লকখিবা ইল্লিগেল ইম্মিগ্ৰেন্টশিংনা লমদম অসীগী দিমোগ্ৰাফিদা পীরক্লিবা অচৌবা চৈথেঙশিং অসীগী মরমদা কূপ্না খন্ন-নৈনখি। ইম্মিগ্ৰেন্টশিং অসীনা হৌখিবা কুমশিং ২০২৩ গী মে অহূমদগী ঙসীফাওবা মৈতৈদা লান্দারক্তুনা মনিপুরগী লম থুগাইদুনা মখোয়গী মরৈপাক মরমদম অমা শেমগৎনবা হোৎনরক্লিবা, নাগাশিংদা কাইহৌরক্তুনা নাগা মীচম কয়া হাৎপগী মথক্তা নাগাশিংনা মহৌশাদগী লৈজরক্লিবা খুঙ্গংশিং লৌশীন্নবা হোৎনরক্লিবা কয়া অসীগী মতাঙদা খন্নখি।
ৱাফম কয়া খন্নরবা মতূঙদা মনিপুরগী য়েলহৌমীশিংনা পাম্লিবা অচূম্বা ৱাফমশিং অদূ য়ুনিয়ন হোম মিনিষ্টর অমিট শাহা উনদুনা পাউদম্লুরগনি, মীয়ামগী অপাম্বা পূম্নমক থবক্তা ওন্থোকহন্নবা হোৎনগনি হায়না অথৱালেনা সি এস ওশিংদা থাজবা পীরমখি হায়খি।
You may also like
-
বি জে পিনা সেন্সস য়ৈথোক্লে হায়রগা মীয়াম্না হরাওরুবা, পেন্থোক্লুবা য়াবা নত্রি:কৈথেলগী ঈমাশিং
-
মীতোপ খন্দোকহৌদ্রিঙৈদা সেন্সস তৌখ্রবদি য়েলহৌমীশিং মূৎখিবা শোয়দ্রবনি: জীতেন্দ্র
-
মনিপুরি মচীন-মৌপ্ৱা অনীনা এয়র ইন্দিয়াদা থবক তৌমিন্নদুনা ষ্টেট অসীগী মীয়ামগী পূক্নীং চিংশিনখ্রে
-
হোজাইগী ঈমাশিংনা নিংথৌ সনাজাউবগা উনখ্রে
-
মনিপুরগী ইস্যুশিং অসীগী ৱায়োয়শিন পুরক্নবা ঙসীফাওবদা বি জে পিনা করি তৌখ্রবগে: লোকেন