চুরাচান্দপুর দিষ্ট্রিক্ট মনূঙদা হৌখিবা নুমিৎ খরনিগী মতমসিদা দেঙ্গী, তাইফোইদ,হেন্দ, ফুদ অমসুং মাউথ দিজিজগী কেস মশীং খংৱাং ৱাংখৎলকপা থেংনরকপগা লোয়ননা দিষ্ট্রিক্ট অসীদা লৈরিবা মহৈলোয়শঙ পূম্নমক চৎলিবা আগষ্ট থা অসীগী ৩০ ফাওবা ছুটি থাদোকখ্রে। দিষ্ট্রিক্ট অসীগী চিফ মেদিকেল ওফিসারনা মরী লৈনবা ষ্টেকহোল্ডরশিংগা কূপ্না খন্ন-নৈনরবা মতূঙদা খোঙথাং অসি লৌখৎলকখিবনি।
দিষ্ট্রিক্ট অসীগী তোঙান তোঙানবা মফমশিংদা দেঙ্গীগী কেস মশীং কা হেন্না য়ামখৎলকপগা লোয়ননা দিপ্যুটি কম্মিস্নার ক্রিষ্ণকুমারনা তুইবোংদা লৈরিবা মিনি সেক্রেটরিয়েত্তা ইমর্জেন্সি মিটিং অমা কৌরদুনা লাইচৎ অসী অথূবা মতমদা লাকশীন্ননবা ৱাফমশিং খন্ন-নৈনখি। মীফম অদুদা এদ্দিস্নেল দিপ্যুটি কম্মিস্নার লালরোবুং ফিমাতে, চিফ মেদিকেল ওফিসার সোখোঙম বাইটে, এদ্দিস্নেল চিফ মেদিকেল ওফিসার পি ঐচ হেনখোমে মাতে, মেদিকেল সুপরিন্টেন্দেন্ট দা. কে ঐচ সনিয়া মোনিকো, জোনেল ইদুকেসন ওফিসার এষ্টর চেনৈকিম শরূক য়াখি।
লায়না লাইচৎশিং অসীগী মরমদা খুঞ্জাশিং ভাব তাহন্নবগীদমক পাক-সন্না এৱ্যের্নেস প্রোগ্ৰাম কয়া পাঙথোক্নবা চিফ মেদিকেল ওফিসার অমদি জেট ই ওদা খঙহনখি। রেসিদেন্সিয়েল এরিয়াদগী মিটর ১০০ না কোনবা মফমশিংদা কাঙ মরূম কোকহন্দনবা থৌরাংশিংসু লৌখৎনবা মরী লৈনবশিংদা খঙহনখি। নৌনা দিষ্ট্রিক্ট অসীদা দেঙ্গীগী কেস ৭৫০ হেঙ্গৎলকখিবগা লোয়ননা মীওই অনী হন্দক্তা।
You may also like
-
বি জে ৱাই এমনা এম পি বিমোল ফম থাদোক্কদবনি হায়না প্রোটেষ্ট তৌখ্রে, পুৱারিদা খ্বাইদগী নোক্নীংবা থৌদোকনি হায়খ্রে
-
শৈখ হাসিনা মরৈপাক্তা হল্লগনি হায়না ফোঙদোকখ্রে
-
মাইবা-মাইবিদা থৱায় লূপ্পীরুরনু, মেদিকেল সাইন্স খম থেংনা চাওখৎলবনি: এম এম সি
-
ঈরাঙ নংলবা মনিপুরগী কেপিটেল সিটি কাঙ-হয়ীংগী লৈফম ওল্লে
-
লৌমীশিংগী ওর্গানাইজেসন মপাঙ্গল কনখৎহনবা তঙায়ফদে: বিজু ক্রিষ্ণানন