এন আর সিগী মতাঙদা কেন্দ্র কেন্দ্রগী ওইনা লৈরিবা মীয়ামগী মীহূৎ ওইরিবা এম এল এশিং গী করি পাউখুম লৈরিবগে, এন আর সিগী মরমদা মখোয়গী অনীঙবা অপাম্বনা করিনো হায়বদু খঙদোক্নবগী কেম্পেইন অমা এম এল এশিংগী য়ূমথোঙ খূদীংদা চত্তুনা ৱাহং-পাউখুমগী কেম্পেন অমা ঙরাংদগী হৌখ্রে।
অহানবা ওইনা ইম্ফাল ৱেষ্ট দিষ্ট্রিক্টকি মনূঙচন্না তৈরা সাপম লৈরক্তা লৈরিবা পাৎশোয় এসেমব্লি কনস্তিত্যুএন্সিগী এম এল এ সাপম কেবা এলাইজ কুঞ্জকিশ্বরগী য়ূমদা চত্তুনা এন আর সিগী মতাঙদা মেমোরেন্দম পীশীনবগা লোয়ননা মীয়ামগী মীহূৎ অমা ওইনা মহাক্কি মোৎ করি লৈবগে হায়না ৱাহং হংখি। এন আর সি হান্না চত্থদ্রিবমখৈ সেন্সস কি থবক-থৌরম অমত্তা পাঙথোকহন্দনবগী চপচাবা লৈঙাক অসীগী ফিরেপ লৈজৈ। মমাঙদসূ এন আর সি থবক্তা ওন্থোক্কদবনি হায়বসি ষ্টেট এসেমব্লিনা ৱারেপ অনীরক লৌবা লৈখ্রবনি। মদূ কৈদৌনূংদা লেম্না মাঙহনবা য়ারোই হায়না কেবনা ফোঙদোকখি।
ইন্দিয়া অসী ফেদরেল ষ্ট্রকচরনি। ষ্টেট এসেমব্লিনা পাস তৌখিবা ৱারেপ অমা হায়বসি ফাগি নত্তে হায়বা ৱাফম কুঞ্জকিশ্বরনা থমখি। মনিপুর লৈঙাক্না পাস তৌখ্রবা ৱারেপ অমা সেন্টরনা হেক্তা তরাই-তরাই রিজেক্ট তৌরক্লোই হায়খি।
You may also like
-
বি জে ৱাই এমনা এম পি বিমোল ফম থাদোক্কদবনি হায়না প্রোটেষ্ট তৌখ্রে, পুৱারিদা খ্বাইদগী নোক্নীংবা থৌদোকনি হায়খ্রে
-
শৈখ হাসিনা মরৈপাক্তা হল্লগনি হায়না ফোঙদোকখ্রে
-
মাইবা-মাইবিদা থৱায় লূপ্পীরুরনু, মেদিকেল সাইন্স খম থেংনা চাওখৎলবনি: এম এম সি
-
ঈরাঙ নংলবা মনিপুরগী কেপিটেল সিটি কাঙ-হয়ীংগী লৈফম ওল্লে
-
লৌমীশিংগী ওর্গানাইজেসন মপাঙ্গল কনখৎহনবা তঙায়ফদে: বিজু ক্রিষ্ণানন