হৌখিবা চহী ২০২৫ গা য়েংনরুবদা মনিপুরদা দেঙ্গী লায়নাগী কেস মশীং খরমখৈ হন্থজরবসু চৎলিবা কুমশিং ২০২৬ অসীদা লায়না অসীনা নাবদগী পোজিটিব ওইবা কেস মশীং অসুম হেঙ্গৎলক্লি। ষ্টেট অসীদা হৌখিবা পূং ২৪ গী মতমদা মীওই ৯ দেঙ্গী পোজিতিব ওইখিবগা লোয়ননা চৎলিবা চহী অসীগী ওইনা মীওই ৬৯ পোজিটিব ওইখ্রে।
নৌনা মীওই ৯ পোজিটিব ওইরকখিবা অদুগী মনূঙদা ২ দি ইম্ফাল ইষ্ট ডিষ্ট্রিক্ট তগীনি। দিষ্ট্রিক্ট অসিদা চহী অসীগী ওইনা দেঙ্গী পোজিটিব কেস মশিং ২৩ শুখিবগা লোয়ননা অতৈ দিষ্ট্রিক্ট শিংদগী পোজিটিভ কেস মশীং খ্বাইদগী ৱাংনা লৈখ্রে। ইম্ফাল ৱেষ্ট দিষ্ট্রিক্ট তা নৌনা মীওই ১ পোজিটিব ওইদুনা চহী অসীগী ওইনা পূন্না মীওই ১৮ পোজিটিব ওইখ্রে। তেংনৌপলদা মীওই ৩ নৌনা পোজিটিব ওইবা থেংনরে।
মখোয় অহুম য়াওনা দিষ্ট্রিক্ট অসিদা চহী অসীদা পূন্না মীওই ৫ পোজিটিব ওইবা থেংনরি হায়না ষ্টেট হেল্থ সার্বিসেস দিরেক্তরেটকি রিপোর্ট অমদা ফোঙদোরক্লি। রিপোর্ট অসীনা মখাতানা হায়, নৌনা চান্দেল ডিষ্ট্রিক্ট তা মীওই ৩ পোজিটিব ওইবা থেংনরে। মখোয় অহুম য়াওনা দিষ্ট্রিক্ট অসিদা চহী অসীগী ওইনা দেঙ্গী লায়নাগী কেস মশীং ৪ শুখ্রে হায়না রিপোর্ত অসীনা ফোঙদোরক্লি।