লমদম অসীদা অতোপ্পা ষ্টেটশিংদগী লাকপা মীওইশিংনা শূরিবা থবক্কি শিনফমশিং অসী ঐখোয়গী শিন্মীশিংনা পায়খৎলবা মতমদুদা ঈরমদম অসীগী শেন্মিৎলোনগী ফীভম ফগৎহনবা ঙমগনি।
ঐখোয়গী থবক ঐখোয় ঈশানা শূ-নোমদুনা ঐখোয়গী শেন্মিৎলোন ফগৎহন্নবা হোৎনবা হায়বসিনা মনিপুর শেন্মিৎ ঈহৌ লূপ (মশেল) গী মরূওইবা পান্দম্নি হায়না লূপ অসীগী এদভাইজর জয়চন্দ্র কোন্থৌজমনা ফোঙদোকখ্রে।
লূপ অসীগী ১৯ শুবা ফাউন্দেসন দে থৌরম ঙরাং ইম্ফালদা লৈরিবা মনিপুর প্রেস ক্লবতা পাঙথোকখিবগা লোয়ননা থৌরমদুদা চিফ গেষ্ট ওইনা শরূক য়াখিবা জয়চন্দ্রনা ৱাফম অসী ফোঙদোকখিবনি। হৌরক্লিবা নহারোলশিংনা মশাগী হৈনবা শিনফম অমা পায়খৎচদুনা মশাগী, ঈমূঙ-মনূঙগী অমদি খুন্নাইগী শেল-থুমগী ফীভম ফগৎহন্নবা হোৎনগদবনি হায়না ফোঙদোকখি।
মনিপুরনা মালেমগী চাওখৎ লমজেলদা য়াওগে হায়রবদি শুবা-নোম্বদা ঈকায়বা-হঙ্গোইবা তৌরোইদবনি। মীঙোন্দগী মুন্দুনা নত্রগা নিরগা চাগনি হায়বগী ৱাখল অসী য়াম্না লাপ্না থমগদবনি হায়বা ৱাফম মহাক্না থমখি। হৌরক্লিবা নহারোলশিংনা অনৌবা ইন্নোভেসনশিংগা লোয়ননা ৱার্ক কলচর শেমগৎকদবনি হায়নসু জয়চন্দ্রনা ফোঙদোকখি।
নোংমদা পূং ৮ থবক শূরগা চাওখৎপা ঙমদ্রে খঙলবদি পূং ১৬ শুননবা হোৎনগদবনি। মদুদসু অৱাৎপা লৈরবদি নোংমদা পূঙ ২৪ থবক শূননবা হোৎনগদবনি হায়খি।
You may also like
-
মনিপুরদা শান্তি পুরক্নবা হোৎনবদা মপাঙ্গল কানখ্রে, হাত্যারগা লোইননা মিলিটেন্ত ৪৬ লানথাখ্রে
-
ইম্ফাল ইষ্টকি ৱাখা দা শারিবা এম য়ূ সী আগষ্ট থা মনূঙদা লোইশিনবা ঙম্লোইদৌরি
-
কে সি পি (পিদব্লিয়ুজি) গী চ্যেরমেন য়াওনা কেদর ৪৬ সরেন্দর তৌরকখ্রে
-
হাওচোং পি ঐচ সী অৱাৎ-অপানা পীক থল্লম্লে: পুয়া
-
জুলাই ২৯ ফাওবগী মনূঙদা অফবা, থক্নবা ঈশীঙ ফংহন্দ্রবদি অকনবা খোঙজঙ চঙশীল্লগনি: লূপশিং