হৌখিবা কুমশিং ২০২৩ গী মে অহুমদগী হৌরকখিবা মৈতৈ-কুকি অনীগী মরক্তা লৈরিবা হীঙশাগী ঈরাং অসীদা কুকি মিলিটেন্টশিংনা য়ূম কয়া তুম্না মৈ থাদোকখিবদগী হৌজিকফাওবা ইম্ফাল ৱেষ্ট দিষ্ট্রিক্টকি খূরখূলদা লৈরিবা মান্দোপ য়ূম্ফম রিলিফ কেম্প তা চঙজফম লৌদুনা লৈরিবা ইন্টর্নেল্লি দিসপ্লেস পার্সন (আই দি পি) শিংদা লূপশিংনা ঙমজবা মতেঙ পাংখ্রে।
মখোয়গী মনূঙদা ঈমূঙ তরুক্কি য়ূমশিংদি কুকি মিলিটেন্টশিংনা চৎলিবা জুলাই থা অসীগী ১১ দা এত্তেক চত্থরক্তুনা, মী লৈনদ্রবা য়ূমশিং অদূ মৈ থাদোক্লম্বদগী কোক্তা খূৎ হাপতুনা অৱাবা খাঙবগী থাক্তা লৈরকখিবনি। চৈরকশিদা, অৱাবা তারবা, লৈমখোং চীঙথক্তগী লাঞ্জেন্নরকখিবা ঈমূঙশিং অদুদা ঙরাং য়াইফা লমজীং নূপী লূপ অমদি ইষ্টর্ন পোপ্যুলর ক্লব খূরায় থোইদিংজম লৈকায়না ঙমজবা তেংবাংশিং পীখিবনি।
য়ূম মৈ থাখিবা থৌদোক্তা চেন্নরিবশিং লৈঙাক্না অথূবা মতমদা ফাগত্তুনা আইনগী মতীকচাবা চৈরাক ফংহনগদবনি হায়না লূপশিং অসীনা তকশীনখি। মান্দোপ য়ূম্ফম রিলিফ কেম্প খূরখূলদা হৌজিক পূন্না মীওই ৯৫০ রোম লৈরিবনি।
You may also like
-
জুলাই ২৯ ফাওবগী মনূঙদা অফবা, থক্নবা ঈশীঙ ফংহন্দ্রবদি অকনবা খোঙজঙ চঙশীল্লগনি: লূপশিং
-
পার্লিয়ামেন্ত হাউস অনিমক্তা মীফম হৌবা নুমীত্তা চরাঙনবা থোকপদগী নোংমগী ওইনা মীফম য়ৈথোকখ্রে
-
এম এল এ শ্যাম্না হান্নগী এম এল এ জয় অসী লেম্না লৈহন্নিংই হায়খ্রে
-
থৌবাল দিসি কমপ্লেক্সতা হেল্থ কেম্প পাঙথোকখ্রে
-
বি জে পিগী লৈঙাক লাকপদগী মৈ চাং নাইনা মূৎপা হৌরক্লে: মীয়াম