রিজনেল পোলিটিকেল পার্টি অমা ওইনা লৈরিবা দিমোক্রেটিক পিপল্স ফ্রন্ট (দি পি এফ) না শীন্দুনা মসীগী ৱিমেন য়ুনিট, দেমোক্রেটিক ৱিমেন্স ফ্রন্ট (দি দব্লিয়ু এফ) কি অনৌবা অমদি অরীবা মেম্বরশিং শকখঙ-মায়খঙনবগী থৌরম অমা পাঙথোকখ্রে। থৌরম অদূ ইম্ফাল ইষ্ট দিষ্ট্রিক্টকি মনূঙচন্না লৈরিবা ৱাঙ্খৈ অঙোম লৈকায় কম্যুনিটি হোলদা পাঙথোকখিবনি। দি পি এফকি ষ্টেট প্রসিদেন্ট নারেংবম রজিবকুমারনা থৌরম অদুগী ময়ায় তাঙবল লৌখি। দি দব্লিয়ু এফ কি প্রসিদেন্ট ওক্রম নন্দিনি অমদি দেমোক্রেতিক য়ূথ ফ্রন্ট (দি ৱাই এফ) কি প্রসিদেন্ট কোন্সম প্রেমজিৎ নচিংবা থৌরমদুদা শরুক য়াখি।
দি পি এফনা মনিপুরদা শাফোঙলকখিবগী মতাংদা ৱাফমশিং থম্লদুনা দি দব্লিয়ু এফকি জেনরেল সেক্রেটরি ওর্গানাইজেসন ৱাহেংবম প্রেমিতা লৈমনা হায়, হৌজিক মনিপুরগী ওইরিবা লো এন্দ ওর্দরগী ফীভম অসীনা মরম ওইরগা ৱাখল মান্নবা ঐখোয়না লুরবা মফম ওইরিবা কংলাগী লাইফম্লেন্দা লৈরিবা ঈবূধৌগী খুভমদা চঙদুনা, ঈশা-ঈশাগী ঈ কত্তুনা, লৈপাক মপূ মশক খঙনা, লৈপাক ঙাকপা ঙম্বগী মতীক-ময়াই পীনবিয়ু হায়দুনা মমাঙগী চহী ২০২৫গী জুলাই ২ দা থৌনিজখি। নুমিৎ অদূমক্তদা জি এম হোল, ইম্ফালদা দি পি এফ অসী শাফোঙখিবনি হায়খি।
ঈশানা ঈশাবু লৈঙাকচবা, মিপাল তাংলগা হিংলোইশি, মনিপুরগী অপূনবা শক্তম ঙাকশি, পূন্না হিংমিন্নসি, পূন্না চাওখৎমিন্নসি, মান্নবা খুনাই অমা শেম্লসি হায়রিবশিং অসী দি পি এফকি মরূওইবা পান্দমশিংনি হায়রি।
You may also like
-
য়েলহৌমী কলহৌনবা পান্দমদা নাগা অমসুং মৈতৈগী ওইবা অপূনবা লূপ অমা শেমখ্রে
-
ঊখ্রূল দিষ্ট্রিক্ট হোস্পিটালদা নর্স, দাক্তর পূম্নমক মহুৎ শিল্লগা চল্লাইদুনা লৈরম্লে
-
ক্রেফটন ইন্দিয়া রাইজিং ষ্টার ইনভাইটেস্নেল ২০২৬ তা ক্রেজি ক্রেটোসনা চেম্পিয়ন লৌখ্রে
-
ইন্দিয়াদা মনিপুরনা খ্বাইদগী লূ-নানবা ষ্টেট ওইহন্নবা পান্দম থম্লি: দা.ক্রিষ্ণনন্দ
-
কালিৱাংবৌ অবোনমাইগী মপোক-কুম্মোন থৌরম জেনিম্সকি মোর্গ তা পাঙথোকখ্রে