আসামনা ভারতকী মথংগী কন্সর্ত ইকনোমী হব ওইরক্লে; এ.তি.দি.সি., বুকমাইশো অমসুং ই.ৱাই.-পার্থেনোননা মথংগী চহি মঙাদা লুপা করোর ৭০০গী ইকনোমীগী খুদোংচাবা ফংগনি হায়না রিপোর্ত তৌখ্রে

আসাম তুরিজম দিবেলপমেন্ত কোর্পোরেসন লিমিতেদ(এ.তি.দি.সি.)অমসুং ই.ৱাই.-পার্থেনোনগা খুৎশম্নদুনা ভারতকী মাংজিল থারিবা লাইব এন্তর্তেনমেন্ত অমসুং কলচর দেস্তিনেসন বুকমাইশোনা গুৱাহাতিদা পোস্ত মেলোনগী ইহান হানবা ভারতকী সোলো হেদলাইন কন্সর্তকী মতুংদা আসামদা লাইব এন্তর্তেনমেন্তকী ইকনোমিক, তুরিজম, ৱার্কফোর্স অমসুং কলচরেল ইম্পেক্ত নৈনরিবা রিপোর্ত,দি আসাম ব্লুপ্রিন্ত: তর্নিং লাইব ম্যুজিক ইকনোমী ইনতু এ তুরিজম মল্তিপ্লাইয়র পুথোকখ্রে।বুকমাইশো, এ.তি.দি.সি. অমসুং ই.ৱাই.-পার্থেনোনগী রিপোর্ত অসিনা আসাম অসি করম্না স্ত্রেতেজিক ইকোসিস্তেম শেমগৎপা, দেস্তিনেসন দিবেলপমেন্ত অমসুং মতম শাংনা ইনভেস্তমেন্ত তৌবনা স্তেন্দএলোন কলচরেল মোমেন্ত অমদগী লাইব এন্তর্তেনমেন্ত অসিবু হঞ্জিনবা ইকনোমিক মল্তিপ্লাইয়র অমদা ওন্থোকপা য়াবগে হায়বগী অঙনবা খুদম অমা ওইনা থম্লি। মসিনা এস্তিমেৎ তৌখি মদুদি মাকী লাইব এন্তর্তেনমেন্ত ইভেন্তশিংগী স্ত্রকচর তৌরবা পাইপলাইন অমনা লাক্কদৌরিবা চহি মঙা অসিদা রাজ্য অসিগী মনুংদা লুপা করোর ৭০০গী অপুনবা শেন্মিৎলোনগী ইম্পেক্ত পুথোকপা ঙমগনি। পোস্ত মেলোনগী দিসেম্বর ২০২৫গী কন্সর্ত অসি কেস স্তদী অমা ওইনা পল্লদুনা, বুকমাইশো, এ.তি.দি.সি. অমসুং ই.ৱাই.-পার্থেনোনগী রিপোর্তনা ইভেন্ত অসিনা অপুনবা শেন্মিৎলোনগী ইম্পেক্ত ওইনা লুপা করোর ৪৩ পুথোকখি হায়না পানরি, মসিগী মনুংদা লুপা করোর ৩২ অসি আসামগী শেন্মিৎলোনদা এতেন্দেন্তীশিংগী শেল থাদবগী খুত্থাংদা হকথেংননা ইনজেক্ত তৌখিবা অমসুং জি.এস.তি.গী রেভেন্যুদা লুপা করোর ৫ হাপখিবা য়াওরি। মতম অদুদা এয়রলাইন্স ওপরেস্নেলদা চাউনা অপনবশিং লৈরবসু, কন্সর্ত অসিদা চাউরাক্না মী ২০,০০০ শরুক য়াখি,মসিগী মনুংদা ৫৩%দি গুৱাহাতিগী মপান্দগী লাকপা অমসুং ভারত শিনবা থুংনা লৈবা সহর অমসুং তাউন ২০০দগী লাকখি।

বুকমাইশো, এ.তি.দি.সি. অমসুং ই.ৱাই.-পার্থেনোনগী রিপোর্ত অসিনা তুরিজম, হোস্পিতালিতী, ত্রান্সপোর্ত, রিতেল অমসুং লোকেল বিজিনেসশিংদা ইভেন্ত অসিগী পাক-চাউবা শাফু অদুসু পনখি। কন্সর্ত তিক্তেৎ অমদা লুপা ১০০ চাদিং তৌবদাএতেন্দেন্তীশিংনা অহেনবা লুপা ৮৯৯অসি লৈফম, চৎথোক-চৎশিন, চাক, শোপ্পিং অমসুং লোকেল সর্ভিসশিংদা চাদিং তৌখি। গুৱাহাতিদা লৈবা হোতেলশিংনা কন্সর্ত ৱিক-এন্দগী মনুংদা চাউরাক্না চাদা ৩০ হেনগৎলকপগী রিপোর্ত তৌখি, অদুগা লোকেল ত্রান্সপোর্ত ওপরেতরশিংনা রাইদ দিমান্দদা চাদা ৫০ হেনগৎলকপগী রিপোর্ত তৌখি।রেস্তোরেন্তশিং অমসুং কেফেশিংদা ৱাক-ইনশিং ৩৩% হেনগৎলকখি, অদুগা রিতেল বিজিনেসশিংনা ফুতফোল অসি ৩০% হেন্না হেনগৎলকপগী রিপোর্ত তৌখি। কন্সর্ত অসিনা কাজিরঙ্গা নেস্নেল পার্ক, মাজুলী আইলেন্দ, কামাখ্যা মন্দির অমসুং শিবাসাগরগুম্বা দিস্তিনেসনশিং য়েংদুনা লমদমসিগী তুরিজমদসু শরুক তমখি, মসিনা অৱাং-নোংপোক্কী থোং অমা ওইনা গুৱাহাতিগী ফিদা মপাঙ্গল কনখৎহনখি। বুকমাইশো, এ.তি.দি.সি. অমসুং ই.ৱাই.-পার্থেনোনগী রিপোর্ত অসিনা ভারতকী লাইব এন্তর্তেবমেন্ত লেন্দস্কেপ্তা অৱাং-নোংপোক লমদমগী মরুওইবা হেনগৎলক্লিবা অদু হেন্না ময়েক শেংহল্লি। ২০২৫দা গুৱাহাতিদা লাইব ইভেন্ত ফুতফোলদা ১৮৮% হেনগৎপা থেংনখি অমসুং চহি অসিদা তিক্তেৎ থাদুনা পাংথোকপা লাইব ইভেন্ত ৫৫ পাংথোকখি। য়ুম্লোন্নরিবা শিল্লোংগা লোয়ননা, সহর অসি অচৌবা থাক্কী লাইব এন্তর্তেনমেন্ত এক্সপরিয়েন্সকী মরুওইবা মফম অমা ওইনা থোক্লক্লি। মসিগী অহোংবা অসিনা ভারত শীনবা থুংনা ওইরক্লিবা অচৌবা ত্রেন্দগী মওং অদু উৎলি, মফম অসিদা সহরশিং অসি তুরিজম, হোস্পিতালিতী, মোবিলিতী অমসুং লোকেল এন্তরপ্রাইজকী লমদা অচৌবা ভেল্যু পুথোক্লিবা মালেমগী থাক্কী লাইব এক্সপরিয়েন্সকী হব ওইনা হেনগৎলক্লি। ভিজিস্তরশিংনা শেল চাদিং তৌবগী মথক্তা, পোস্ত মেলোন কন্সর্ত অসিনা ৱার্কফোর্স অমসুং ললোন-ইতিক্কী শরুক য়াবদা চাউনা মতেং পাংখি। সেক্যুরিতী, হোস্পিতালিতী, প্রদক্সন, লোজিস্তিক্স অমসুং ভেন্যু মেনেজমেন্তকী লমদা চাউরাক্না পর্সনেল ২,৫০০ মোবিলাইজ তৌখিঅদুগা লোকেল বিজিনেস অমসুং ভেন্দরশিংনা স্তেজিং, ব্রান্দিং, ইনফ্রাস্ত্রকচর, ফুদ অমসুং বেভরেজ, কনেক্তিবিতী, পেমেন্তশিং অমসুং সস্তেনেবিলিতী ওপরেসনশিংদা শরুক তমখি।

বুকমাইশো, এ.তি.দি.সি. অমসুং ই.ৱাই.-পার্থেনোনগী রিপোর্ত অসিনা রাজ্য অসিগী কন্সর্ত তুরিজম পোলিসী, এ.তি.দি.সি.গী খুত্থাংদা সিঙ্গল-ৱিন্দো ফেসিলিতেসন, ইনফ্রাস্ত্রকচর ইনভেস্তমেন্ত, হোস্পিতালিতী এক্সপান্সন অমসুং লোকেল তেলেন্ত অমসুং ভেন্দর ইকোসিস্তেমশিং মখা তানা দিবেলপ তৌবা য়াওনা আসামবু লাইব এন্তর্তেনমেন্ত দেস্তিনেসন অমা ওইনা চাউখৎহনবদা মতেং পাংলিবা ফেক্তর কয়া অমসু পুথোক্লি। লাক্কদৌরিবা চহি মঙা অসিদা, গুৱাহাতি অসি ইনফ্রাস্ত্রকচর পাকথোক চাউথোকহনবা, প্রদক্সন কেপাসিতী হেনগৎহনবা অমসুং অপুনবা ইকনোমিক ইম্পেক্ত ওইনা লুপা করোর ৭০০ হেন্না পুথোকপা ঙম্বা সস্তেনেবল ইকোসিস্তেম অমনা মতেং পাংদুনা রিজনেল লাইব এন্তর্তেনমেন্ত হব অমা ওইনা মপাঙ্গল হেনগৎহন্নবা বুকমাইশোনা পান্দম থম্লি। আই.আর.এস., মেনেজিং দিরেক্তর, আসাম তুরিজম দিবেলপমেন্ত কোরপোরেসন লিমিতেদ (এ.তি.দি.সি.), শ্রী কুমার পদ্মপানি বোরানা হায়খি, “আসামগী ওইনা, কন্সর্ত ইকনোমী অসি এন্তর্তেনমেন্ত খক্তা নত্তে; মসি তুরিজম, কলচর, নহাশিংগী থৌদাং অমসুং পুন্না থবক তৌমিন্নদুনা শেন্মিৎলোন চাউখৎহনবনি। ঐখোয়গী পান্দমদি অচৌবা ইভেন্তশিং অসি রাজ্য অসিদা লাকপা মীওইশিং পুরকপা, লোকেলগী থবক ফংহন্নবা অমসুং আসামবু নেস্নেল অমসুং গ্লোবেলগী মীয়ামদা শন্দোক্না তাকপা অফবা ইকোসিস্তেম অমা শেমগৎপনি।” বুকমাইশোগী চিফ বিজিনেস ওফিসর – লাইব ইভেন্তস, নমেন পুগালিয়ানা হায়খি, “ভারতকী লাইব এন্তর্তেনমেন্ত গ্রোথকী মথংগী তাঙ্কক অসি মপুং ফানা অনৌবা কলচরেল অমসুং এন্তর্তেনমেন্ত হবশিং শেমগৎতুনা মশক তাক্কনি। অৱাং-নোংপোক লমদম অসি খোঙচৎ অদুদা খ্বাইদগী অচৌবা খুদোংচাবশিংগী মনুংদা অমা ওইরি, মসিদা ইনাক খুল্লবা ম্যুজিকেল হেরিতেজ অসিগা য়াম্না থৱায় য়াওরবা ভাবোক অমসুং য়াম্না থুনা চাউখৎলক্লিবা ইকোসিস্তেম অমগা পুনশিন্নরি। পোস্ত মেলোন কন্সর্ত অসিনা মালেমগী থাক্তা বেঞ্চমার্ক ওইরবা লাইব এক্সপরিয়েন্সনা ভেন্যুগী ৱাংমদা করম্না ভেল্যু পুথোকপা য়াবগে হায়বদু উৎখি, মসিনা তুরিজম, হোস্পিতালিতী, লোকেল এন্তরপ্রাইজেস অমসুং থবক পীবদা ইথিল পীখি। হেন্না মরু ওইরিবদি, সরকার, ইন্দস্ত্রী অমসুং লোকেল স্তেকহোল্দরশিংনা মান্নবা মীৎয়েং অমগী মখাদা পুনশিনবা মতমদা করি ওইথোকপা য়াবগে হায়বদু উৎখি। আসামগী খোঙচৎ অসিনা লাইব এন্তর্তেনমেন্তনা করম্না ইকনোমিক গ্রোথ, দেস্তিনেসন-বিল্দিং অমসুং কলচরেল রেলিভেন্সতা মতেং পাংবা য়াবগে হায়বগী মতিক চারবা খুদম অমা পীরি, মসিগা লোয়ননা ভারতকী কন্সর্ত ইকনোমীগী তুংলমচৎকী ব্লুপ্রিন্ত অমা শেমগৎলি।” পার্তনর অমসুং লুচিংবা, মীদিয়া অমসুং এন্তর্তেনমেন্ত, ই.ৱাই.-পার্থেনোনগী রাঘব অনন্দনাহায়খি, “লাইব ইভেন্তশিংনা হোস্পিতালিতী, ত্রান্সপোর্ত, রিতেল অমসুং লোকেল সর্বিসশিংদা অচৌবা চাদিং তৌহন্দুনা শক্তি লৈরবা মল্তিপ্লাইয়র ইফেক্ত অমা উৎলি। আসামবু অখন্ননা খুদম ওইহল্লিবা অসি হেদলাইন ইকোনোমিক ইম্পেক্ত অদু খক্তা নত্তে, অদুবু মসিগী মরুমদা লৈরিবা ইকোসিস্তেম অসিসু ওইরি: ময়েক শেংবা পোলিসী দিরেক্সন, ইন্সতিত্যুস্নেল কোওর্দিনেসন, ইনফ্রাস্ত্রকচর ইনভেস্তমেন্ত অমসুং মহৈশিং অদু ওন্নবগী অচেৎপা ফিরেপ। লাইব এন্তর্তেনমেন্ত অসি অমুক্তগী ওইবা শক্তম অমা ওইনা লৌবগী মহুত্তা ইকনোমিক ইনফ্রাস্ত্রকচর অমা ওইনা লৌরকপা মতমদা, মসি তুরিজম, থবক পীবা অমসুং রিজনেল গ্রোথকীদমক হন্না হন্না পাংথোকপা য়াবা ইঞ্জিন অমা ওইরকই।”বুকমাইশো, এ.তি.দি.সি. অমসুং ই.ৱাই.-পার্থেনোনগী রিপোর্ত অসিগী মরুওইবা ফাইন্দিংস অমনাহায়রি মদুদি মায় পাকপা কন্সর্ত ইকনোমীশিং অসি তোখাইবা ইভেন্তশিংদা নত্তনা, ইকোসিস্তেম শেম-শারিবা অসিদা লেপ্পা লৈতনা ইনভেস্ত তৌদুনা শেমগৎলি। আসাম অসি লাইব এন্তরতেনমেন্ত দেস্তিনেসন অমা ওইনা লাকপা অসি তুংকোইনা চৎনগদবা পোলিসীগী খোঙথাংশিং, ইনফ্রাস্ত্রকচর দিবেলপমেন্ত, হোস্পিতালিতী পাকথোক চাউথোকহনবা, এ.তি.দি.সি.গী খুত্থাংদা সিঙ্গল-ৱিন্দো ফেসিলিতী তৌবা অমসুং লোকেল তেলেন্ত অমসুং ভেন্দর ইকোসিস্তেমশিংদা লেপ্তনা ইনভেস্ত তৌবনা ওইহল্লি। মসিগী থবকশিং অসিনা রাজ্য অসি ভারতকী লাইব এক্সপরিয়েন্স ইকনোমীগী মনুংদা য়াম্না থুনা চাউখৎলক্লিবা এন্তর্তেনমেন্ত কোরিদোর অমদা ওন্থোকপদা মতেং পাংলি। খোঙজেল অসি ময়েক শেংনা উবা ফংলে। গুৱাহাতিদা পোস্ত মেলোনগী মরুওইবা পর্ফোমেন্সকী মতুংদা, আসামনা হৌজিক ২০২৬গী নবেম্বর ১৭দা শক্নাইরবা রোক বেন্দ গান্স এন রোজেসপু তরাম্না ওক্নবা শেম-শারি। মসিনা মালেমগী তুরিং মেপতা রাজ্য অসিগী চাউখৎলক্লিবা থাক অদু হেন্না মপাঙ্গল কনখৎহল্লগনি। ভারতকী এক্সপরিয়েন্স ইকনোমীনা ত্রেদিস্নেল মেত্রোগী ৱাংমদা হেনগৎলকপগা লোয়ননা, আসামগী খোঙচৎ অসিনা তুরিজম, থবক পীবা অমসুং শেন্মিৎলোনগী চাউখৎলকপদা লাইব এন্তর্তেনমেন্তনা মতৌ করম্না মতেং পাংবগে হায়বদু উৎলি।