হৌজিক মনিপুরগী দিরেক্টর জেনরেল ওফ পুলিস (দিজিপি) ওইনা লৈরিবা রাজিব সিংহ অসী কেবিনেট সেক্রেটরিয়েত্তা সেক্রেটরি (সেক্যুরিটি) ওইননবা খনখ্রে। হীরম অসীগী মতাংদা মিনিষ্ট্রি ওফ পার্সনেল,পব্লিক গ্ৰিভান্সেস এন্দ পেন্সন্সগী দিপার্টমেন্ট ওফ পার্সনেল এন্দ ট্রেনিং না নোটিফিকেসন অমা থোকখ্রে।
রাজিবকি মথঙদা এজিএময়ুটি গী ১৯৯৬ বেচকি আই পি এস ওফিসার ওইরিবা লাদাখকি দি জি পি মুকেস সিংহবু ইন্টর কেদর দেপ্যুটেসন্দা চহী অহূমগী ওইনা মনিপুরগী দি জি পি ওইহন্নবা থবক লৌখৎপা হৌখ্রে। কেবিনেট কম্মিটি ওন এপ্পোইন্টমেন্ট না মহাকপু মনিপুরগী দি জি পি ওইহন্নবা ৱারেপ লৌবা লৈরে হায়রি।
ইন্টর কেদর দিপ্যুটেসনগী মতাঙদা হৌজিক লৈরিবা রুলশিংদা খরা কোমথোকহল্লগা অখন্নবা কেদর ওইনা মুকেসপু মনিপুরদা দি জি পি ওইনা অথূবা মতমদা থারক্নবা থৌরাং লৌখৎলে হায়না দিপার্টমেন্ট ওফ পর্সনেল এন্দ ট্রেনিং গী দিরেক্তরনা থোকখিবা নোটিফিকেসন অমদা খঙহল্লক্লি।