লৈবাক অসীদা ফ্যুয়লগী মমল অসী হৌজা-থেঙ্খাং কয়ারক্তা ঙাইহাক লৈতনা হেঙ্গৎলকখিবদগী লায়রবা মীয়ামদা অচৌবা অৱা-চৈথেঙ কয়ামরুম পীদুনা লাক্লিবগী চৈরক্তা, থা অসীগী ১৪ দগী ইন্দিয়া পূম্বদা পেট্রোল অমসুং দীজলগী হৌজিক লৈরিবা পুবা-থাংবদা ৱানরবা মমল অসীগী মথক্তা অমূক, লিটর অমদা লূপা ৩ গী চাংদা হেঙ্গৎহনখ্রে।
নৌনা হেঙ্গৎলক্লিবা মমল অসী ঙরাং অয়ূক্তগী চৎনহনখ্রে। মনিপুরগী ওইনা হান্নদগী পেট্রোল লিটর অমদা লূপা ৯৯.২০ পীরম্বদু ঙরাংদগী লূপা ১০২.২৮ য়ৌখ্রে। হান্না দিজল লিটর অমদা লূপা ৮৫.২৩ ওইরম্বদগী হৌজিক্না লূপা ৮৮.১৯ য়ৌরে।এক্সট্রা প্রেমিয়ম পেট্রোল লিটর অমদা লূপা ১০৬.০৮ পীরম্বদূ হৌজিক লূপা ১০৯.২১ ওইরে।এক্সট্রা প্রেমিয়ম দীজলগী ওইনা হান্না লিটরদা লূপা ৯০.৩৭ ওইরম্বদগী হৌজিক্না লূপা ৯৩.২৮ য়ৌখ্রে।
ষ্ট্রেট ওফ হোর্মুজ দা অথিংবা থমখিবদগী অসীগুম্বা থাউগী মমল হেঙ্গৎলকপগী ফীভম অসি লাকখিবনি হায়রি।
নাকল অমরোমদা, লেফ্ট পার্টিশিংনা থাউগী মমল হেঙ্গৎলক্লিবা অসীদা য়াম্না কন্না য়ানিংদবা ফোঙদোক্তুনা, থৌওং অসীনা মরম ওইদুনা তঙায়ফদনা চঙবা পোৎলমশিংগী মমলসু হেঙ্গৎলক্লগনি হায়বা ৱাফম ফোঙদোক্নরকখিবগা লোয়ননা থৌশিল অসীনা লৈবাক অসীগী লায়রবা মীয়ামদা কা হেন্না অৱাবা চৈথেং পীরক্লগনি হায়রি।
