লমদম অসীদা লৈরিবা অৱাবা, খুদোংচাদ্রবা মায়োক্নরবী নূপীশিংদা মতেঙ পাংদুনা,মখোয়গী রাইট করিনো,মতৌ করম্না মতাং-মতম চানা তানগনি, করম্না খুদোংচাদবশিং অদূ থেংনদুনা লাকশীনগনি হায়বগী মতাঙদা মতেঙ পাংগদৌরিবা ষ্টাফশিংগী ৱান ডে ট্রেনিং প্রোগ্ৰাম অমা ঙরাং ইম্ফালগী নিপাইপাৎ চুথেক্তা লৈরিবা দিরেক্তরেট ওফ ইনফোর্মেসন এন্দ পব্লিক রিলেসন্স (দি আই পি আর) গী ওফিসতা পাঙথোকখ্রে।
দিরেক্তরেট অসীগী ওফিসতা লৈবা ওদিটোরিয়মদা পাঙথোকপা নোংমগী ওইবা ট্রেনিং প্রোগ্ৰাম অদূ হৌদোকপদা মনিপুর ষ্টেট কম্মিসন ফোর ৱিমেন (এম এস সি দব্লিয়ু) গী চ্যেরপার্সন থুমলিপ তিনিংফম মোন্সাং, কম্মিসন অসীগী মেম্বর সেক্রেটরি দব্লিয়ু ফজতোম্বী, দি আই পি আরগী এদ্দিস্নেল দিরেক্টর অমদি কম্মিসন অসীগী মেম্বর এস কে সোফিয়ানচিংবনা দাইজ মেম্বর ওইনা শরুক য়ারদুনা ৱা ঙাঙখি।
কম্মিসনগী চ্যেরপার্সন থুমলিপ তিনিংফম মোন্সাংনা ট্রেনিং হৌদোকপগী থৌরম অদুদা ৱা ঙাংলদুনা হায়, ৱান ষ্টোপ সেন্তরদা মথৌ পাঙথোক্লিবা ষ্টাফশিংগী ওইবা অহেনবা লৌশিং অমদি স্কিল তানশিন্নবা অমসুং মদূনা লমদমসিগী চীঙ অমদি তম্পাক্কি খুদোংচাদবা মায়োক্নরবী নূপীশিংগী মতেং পাংবা ঙমহন্নবগী পান্দমদা পাঙথোক্লিবা ট্রেনিং মখল অসী থাখায় খূদীংগী মফম হোং-হোংদুনা চাং নাইনা পাঙথোক্তুনা লাক্লি। ষ্টেট ৱিমেন কম্মিসন অমদি ৱান ষ্টোপ সেন্টরশিংগী মরক্তা পাউ ফাওনদুনা অৱাবা তারবা নূপীশিংগী মতেঙ পাংদুনা লাকখিবগুম মতূঙ তারকপা মতমদসু হেন্না মতেং পাংবা ঙম্ননবা হোৎনখিগনি হায়খি।
You may also like
-
দেঙ্গি লায়না-লাইচৎকি অকীবা লাকপা হৌরক্লে
-
মালেমগী বাইওদাইভর্সিটি নুমিৎকা মরী লৈননা লাইয়েকপা চাংম্নখ্রে
-
য়েন্নীং গ্ৰূপ কুম্বিনা অৱাবা মায়োক্নরবশিংদা মতেঙ পাংখ্রে
-
মীচমগী য়ূমদা বোম লংশিনবা য়ানীংদে হায়বগী ৱাকৎ মীফম চত্থখ্রে
-
আই দি পিশিং মশাগী খুঙ্গংশিংদা হঞ্জিলহন্নবগী মতাঙদা লৈঙাক্কি মীফম পাঙথোকখ্রে