শীজা আই ক্যের ফাউন্দেসন না নেস্নেল প্রোগ্ৰাম ফোর কন্ট্রোল ওফ ব্লাইন্দনেস (এন পি সি বি), নেস্নেল হেল্থ মিসনগী মখাদা, কৈশামথোং লোংজম লৈরক দেভেলপমেন্ট ক্লবকা খূৎশম্নদুনা লেম্না মীৎ লায়েংবগী কেম্প অমা, কৈশামথোং লোংজম লৈরক কম্যুনিটি হোল, কেলি মখোঙদা পাঙথোকখ্রে। মরূ ওইনা মীৎতা ঙৌদোং লৈবা মীওইশিং লায়েঙদুনা অমদি সর্জরি তৌদুনা অনাবা ফহনখিবা, মীয়ামদা শেল অমত্তা তিংহন্দনা কান্নবা পীখিবা মেদিকেল কেম্প অমনি।লমদম অসোমগী তোঙান তোঙানবা মায়কৈদগী লাকখিবা, মীৎকি প্রোব্লেমশিং মায়োক্নরিবা মীওই ৩০০ লোম হেনবদা লেম্না আনোকশিংসু পীদূনা কেম্প অদূ পাঙথোকখিবনি।
থৌরম অদুদা শরুক য়াখিবা শীজা হোস্পিটালগী বিজিনেস দেভেলপমেন্ট এন্দ ওপরেসনগী এসিষ্টেন্ট মেনেজর, অভি ময়েংবম্না হায়, কেম্প অদূ মীৎ অমদি ই এন টিগী স্পেসিয়েলিষ্ট দাক্তরশিংনা শরূক য়াদুনা পাঙথোকপনি। মরূ ওইনা, শেলগী খুদোংচাদবা লৈবদগী হোস্পিটালদা চত্তুনা ঙৌদোং লৌথোকপা ঙমদবা মীয়ামগী য়েংলগা কেম্প অদূ পাঙথোকপনি। পি এম জে এ ৱাই অমদি মনিপুরগী ওইনা লৈরিবা এন পি সি বি অমসুং এন ঐচ এম অনীগী মখাদা শীজা হোস্পিটালনা লেম্না সর্জরী তৌবগী খুদোংচাবা অসি মীয়ামদা ফংহনখিবনি হায়না থমখি।
মনিপুরদা অহানবা ওইনা শীজা হোস্পিটালনা এস আর এ সিগা খূৎশম্নদুনা পাঙথোকখিবা লেম্না মীৎ লায়েংবগী কেম্প অদূ মখা তানা তোঙান তোঙানবা ক্লবশিংগা পূল্লগা অতৈ লৈকায়শিংদসু চত্থখিগনি হায়না অভি ময়েংবম্না মখা তানা ফোঙদোকখি।
You may also like
-
মনিপুরগী এম এল এ, মিনিষ্টরশিংনা ঐখোয়গী মীয়াম অসী করম্না নুঙাইহনগদগে হায়বদু খন্থগদবনি: এল তোম্বা
-
দাইমন্দ দোনর্স না অনাবা নূপামচা লায়েংবদা মতেঙ পাংখ্রে
-
জিরিবামদা স্পোট পেন্টীং কম্পিটিসন পাঙথোকখ্রে
-
তমেংলোংদা সিন্থেটিক ফুটবোল টর্ফ শাননবা উরেপ-উয়ুং তমখ্রে
-
এন আর সিগী থৌরাং পায়খৎলম্মি, পোপ্যুলেসন কম্মিসন লিংননবা থবক লৌখৎখি: বিরেন