ইম্ফাল ৱেষ্ট দিষ্ট্রিক্টকি মনূঙ চন্না কাঞ্চিপুরদা লৈরিবা মনিপুর য়ুনিভর্সিতিগী ১৫ রক শুবা কনভোকেসনগী থৌরম ঙরাং য়ুনিভর্সিটি অসীগী ওদিটোরিয়ামদা পাঙথোকখ্রে। চাওখৎপা, ঈঙ-তপ্পা, মপাঙ্গল খনবা ইন্দিয়া অমা শেমগৎনবা ঙসীগী লাইরিক-লাইশু হৈরবা নহারোলশিংগী থৌদাং হায়নিঙায় লৈতনা চাউই।নহারোলশিংনা পূকচেল শেংনা, খুন্নাইগী য়াইফনবরোমদা মীৎয়েং থম্লগা থবক পায়খৎলবদি ভিক্সিট ভারতকি ভিজন অদূ মপূঙফানা পান্দম ফংগনি হায়না থৌরমদুদা শরূক য়াখিবা মনিপুরগী গভর্নর অজয় কুমার ফোঙদোকখ্রে।
মহাক্না হায়, এম য়ূগী গ্ৰেজুয়েট লোইরদুনা সার্টিফিকেট ফংলবা মহৈরোয়শিংনা ইন্টিগ্ৰিটি ঙাক্না, পূকচেল শেংনা খুনাইগী কান্নগদবা হীরমদা থবক তৌবগী তঙায়ফদবা লৈরি। মহৈ তম্লিবসি ঈশাগী মতীক চাননবা,কান্নবা লৌনবগীনি হায়বখক খনবগী মহুৎতা খুন্নাই অমসুং লৈবাক্কি কান্নবা পুরক্নবগী থৌদাং অমা শিন্নরক্লবনি হায়বসি মতম চূপ্পদা নীংশীংগদবনি হায়বা ৱাফম গভর্নরনা ফোঙদোকখি।
কনভোকেসন অদুদা চিফ মিনিষ্টর য়ূম্নাম খেমচান্দসু শরূক য়াখি।মহাক্কি ৱারোল পীবদা চিফ মিনিষ্টরনা হায়,মহৈ হৈরবা গ্ৰেজুয়েটশিংনা থবক থিবা মীওই ওইবগী মহুত্তা মীয়ামদা থবক পীবা মীশক অমমম ওইনবা হোৎনগদবনি। লৈঙাক্না স্কিল দেভলপমেন্টতা মীৎয়েং থম্লগা থবক পায়খৎলি।মসীগী কান্নবা ময়াম অসী লৌবগা লোয়ননা ঈশানা ঈশাগী থবক পীজনবা হোৎনরসি হায়খি।
You may also like
-
উকোক প্রাইমারি স্কুলগী ফীভম য়াম্না শোকচীল্লম্বা থেংনখ্রে
-
লৈখিদ্রবা রতন থীয়ামদা ভারত রত্ন এৱার্দ পীননবা সনাজাউবনা তকশীনখ্রে
-
জে এফ দিগী খোঙজঙদা অরম্বাই তেঙ্গোল লাক্ষ ১.৯২ না মপূঙ ফানা শৌগৎকদৌরি
-
মনিপুরগী ওইনা সেন্সস য়ৈথোকখ্রে,সেপ্তেম্বর অমদগী হৌরগনি
-
মার্চ ৩১ ফাওবদা চুরাচান্দপুরদা পিচ কেম্পেইন পাঙথোক্কনি: মালেম থোঙাম