মনিপুরগী তাঙলবা মপারি অমা ওইখিবা থীয়েটর লিজেন্দ অমসুং কলচরেল আইকোন অমা ওইখিবা, লৈখিদ্রবা রতন থীয়ামদা ভারত রত্ন এৱার্দ পীননবা মনিপুরগী রাজ্য সভা এম পি লৈশেম্বা সনাজাওবনা পারলিয়ামেন্টকি জেরো অৱারদা ঙরাং তকশীনখ্রে।
সনাজাওবনা রতন থীয়ামগী ৱাফম পুখৎলদুনা হায়, মনিপুরগীতা নত্তনা ইন্দিয়া অমদি মালেম পূম্বগী মীয়ামদা শক খঙনদুনা ঈকায়খুম্নখ্রবা রতন থীয়াম্না ইন্দিয়াগী তোমথিন ওইরবা কলচর অমদি থীয়েটরগী ফজরবা মতীক-মগুনশিং পুথোক্তুনা মালেমগী মীয়ামদা মনিপুর অমসুং ইন্দিয়াবু মশক তাকখিবনি।মহাক থীয়েটর লিজেন্দ অমা ওইবতা নত্তনা কলচরেল আইকোন অমা ওইখিবনি।
মহাক প্লেরাইট, রাইটর, দিরেক্তর,পেন্টর অমসুং থীয়েটর ভিজন্নরি অমা ওইখিবা, হীরম কয়াদা থবক তৌরম্বা জেনিয়স অমনি।ইন্দিয়াগী খ্বাইদগী থাক ৱাংলবা, অতাঙবা থীয়েটর লিজেন্দ অমসুং কলচরেল আইকোন খরগী মনূঙদা মহাকসু তোমথিন ওইরবা পার্সনেলিটি অমনি হায়বা ৱাফমশিং সনাজাউবনা থমখি।
রতন থীয়ামদা ভারত রত্ন এৱার্দ পীফম থোকপনি, মহাক্না লৈবাক অসীবু মালেমদা মশক তাকপদা মরূ ওইবা থৌদাং লৌখিবনি হায়না রাজ্য সভাগী এম পি অসীনা ফোঙদোকখি।
You may also like
-
মনিপুর য়ুনিভর্সিটিগী ১৫ শুবা কনভোকেসন পাঙথোকখ্রে
-
উকোক প্রাইমারি স্কুলগী ফীভম য়াম্না শোকচীল্লম্বা থেংনখ্রে
-
জে এফ দিগী খোঙজঙদা অরম্বাই তেঙ্গোল লাক্ষ ১.৯২ না মপূঙ ফানা শৌগৎকদৌরি
-
মনিপুরগী ওইনা সেন্সস য়ৈথোকখ্রে,সেপ্তেম্বর অমদগী হৌরগনি
-
মার্চ ৩১ ফাওবদা চুরাচান্দপুরদা পিচ কেম্পেইন পাঙথোক্কনি: মালেম থোঙাম