মনিপুরদা হৌজিক ওইরিবা লো এন্দ ওর্দরগী ফীভম য়ুনিয়ন হোম মিনিষ্টর আমিট শাহনা চ্যের লৌদুনা রিভ্যু তৌখ্রে।
মনিপুরগী গভর্নর অজয় কুমার ভাল্লা, চিফ মিনিষ্টর য়ূম্নাম খেমচান্দ,দি জি পি রাজিব সিংহ অমদি লৈঙাক্কি সেনিয়র ওফিসিয়েলশিংসু ভর্চুএল মোদতা শরূক য়াখিবা রিভ্যু মিটিং অদুদা হৌজিক তোঙান তোঙানবা রিলিফ কেম্পশিংদা চঙজফম লৌদুনা লৈরিবা ইন্টর্নেল্লি দিসপ্লেস পার্সন (আই দি পি) শিং অসী খ্বাইদগী অথুবা মতমদা মশা -মশাগী মহৌশাগী ময়ূমশিংদা হঞ্জিলহন্ননবা থবক লৌখৎলু হায়না য়ুনিয়ন হোম মিনিস্তরনা চিফ মিনিষ্টরদা খঙহল্লকখি লোয়ননা মনিপুরদা দ্রগ পুশিল্লকপগী থবক চত্থরিবা দ্রগ কর্তেল পূম্নমক ফাগত্তুনা মপূঙফানা দ্রগ লাকশীন্ননবগী অকনবা ৱাফমসু হোম মিনিস্তরনা থম্লকখি।
মনিপুরদা হৌখিবা কুমশিং ২০২৩ গী মে থাদগী হৌরকখিবা হীঙশাগী ঈরাং অসিগী মনূঙচন্না সেক্যুরিটি ফোর্সতগী নোংমৈ ৬০০০ লোম মীয়াম্না লাকখিবা অদূগী মনূঙদগী তঙ্খাই ফাওবা য়ৌদনা ঙসীফাওবদা সেক্যুরিটি ফোর্স না লৌখৎপা ঙমখ্রে। অৱাৎপা লৈহৌরিবা ময়ামদু মশীঙ শুনা খোমগৎনবা ৱাফমশিং অমিট শাহানা খঙহল্লকখি।
ষ্টেট লৈঙাক্না দ্রগ লাকশীন্ননবা লৌখৎলিবা থবক-থৌরমশিংগী মতাঙদা মপূঙফাবা রিপোর্ট অমা মিনিষ্ট্রি ওফ হোম এফ্যের্সতা পীখৎলক্নবসু য়ুনিয়ন হোম মিনিস্তরনা চিফ মিনিষ্টরদা খঙহল্লকখি হায়রি।
You may also like
-
চিফ মিনিষ্টরনা কুকি-জো কাউন্সিলগী লুচিংবশিংগা গুৱাহাটিদা উনখ্রে
-
অমেস্কোনা শীন্দুনা ঈগী খোঙ্গূল লীবা, শজীবূ খূদোল তম্বগী থৌরম নাগারামদা পাঙথোকখ্রে
-
রিবেল ফাইটর ৫০০ হেন্না ম্যান্মারগী জুন্টা লৈঙাক্তা চঙজরকখ্রে
-
চিফ মিনিষ্টরনা লো এন্দ ওর্দর অমদি চাওখৎ-থৌরাংগী মতাঙদা রিভ্যু তৌখ্রে, কুকি -জো কাঙলূপকা উনগদৌরি
-
ইদ-উল-ফিট্টরগী য়াইফা পাউজেল পীনরক্লি