লমদম অসীদা য়েলহৌঙৈদগী পূন্না খুন্দা-লৈতাদুনা লৈমিন্নরক্লিবা য়েলহৌমী কাঙলূপশিং খাইবুং খাইবুং তাহন্নবা হোৎনবা য়ারোই, নুংশি-চান্ননা হিংমিন্নগদবনি, য়েংথীনবা য়ারোই হায়বা ৱাখল্লোন অমদা ঙসীফাওবা থবক তৌদুনা লাক্লিবা সিভিল সোসাইটি ওরগানাইজেসন অমা ওইনা লৈরিবা আমেস্কোনা হৌখিবা কুমশিং ১৯৯২ দগী লেপ্তনা চত্থদুনা লাক্লিবা, তোঙান তোঙানবা কাঙলূপশিং শরূক য়াদুনা পাঙথোকপা, ঈগী খোঙ্গুল লীবা অমসুং শজীবূ খূদোল তম্বগী থৌরম অদুগী শরুক অমা ওইনা ঙরাংসু ইম্ফালগী নাগারামদা লৈবা কম্যুনিটি হোলদা শজীবূ খূদোল তম্বা অমসুং ঈগী খোঙ্গুল লীবগী থৌরম অমা লমদমসিদা লৈরিবা তোঙান তোঙানবা কম্যুনিটি লিদরশিং শরুক য়ারদুনা পাঙথোকখ্রে।
থৌরম অদূদা শরুক য়ারদুনা চীঙমৈরোং কবুই খুল থৌবৈগী সেক্রেটরি অগুইলোং গাংমৈনা হায়, লমদমসিদা য়েলহৌঙৈদগী লৈরক্লবা ফূরূপচাশিংনা ঐখোয় ঈগী মরী-মতা ঙাক্তনি, থাদোক্নবা কৈদৌনুংদা য়াররোইদবনি হায়বসি খঙনা, নুংশি-চান্ননা অমনা অমগী মতেং পাংনদুনা, থম্মোয়গী ওইবা অচেৎপা মরী অদূ তৎহন্দনবা পুৱারি মশক খঙনা হোৎনমিন্নগদবনি।
লমদমসিগী মীয়ামগী মীহুৎ ওইরিবশিংনা কদায় ফাওবা অসীগুম্বা মরৈবাক -মরমদম নুংশিবগী ৱাখলদা খোঙ থাংজিল্লিবগে হায়বসি অচৌবা ৱাহং অমা ওইরি হায়খি।
You may also like
-
স্পোট পেন্টীং কম্পিটিসন, ক্বিজগী থৌরম পাঙথোকখ্রে
-
নেস্নেল হায়ৱে-৩৭ দা লম্বী চৎপা য়ারমদবদু শেংদোকখ্রে, গারিশিং চৎপা হৌখ্রে
-
থাঙ-তা মশান্না অসী ওলেম্পিক গেম্সতা য়াওহন্দুনা শান্নরোয়শিংদা কান্নবা পীবা য়াই: প্রেমকুমার
-
লৈঙাক অমা নীংথিনা চল্লাইনবা হোৎনবদা মেদিয়াগী অচৌবা থৌদাং লৈ: চরঞ্জিৎ
-
সেন্টরগী লুচিংবশিংদা নোঞ্জরগা লৈঙাকপগী মহূৎ শিজখিবনা শরূক চাম্মা হেন্না ফৈ: ইবোবি