চৎলিবা মার্চ থা অসীগী ১১ গী অয়ূক্তা ৱিঙ্গর ভেন অমা য়াওনা পেসেঞ্জর গারি অনীদা ঊখ্রূলদগী ইম্ফাল তম্না থৌরম অমা য়াওনবগীদমক লাকখিবা তাঙ্খুল ফূরূপকি মীওই ২১, কুকি মিলিটেন্টশিংনা গারীশিং অদূ মোঙ্কোৎ চেফূ এরিয়াদা খাম্লবা মতূঙদা কিদনেপ তৌখিবগী ইপিসোদ অদূ ভীক্তিমশিং থাদোরকখিবগা লোয়ননা লোইশিনখ্রে।
তাঙ্খুল কম্যুনিটিগী খুঞ্জা ২১ অদুগী মনূঙদা নূপী মঙা য়াওরকখিবনি।লৈঙাক্কি মীহূৎশিং, কুকি অমদি তাঙ্খুল কম্যুনিটি অনীগী সি এস ওশিং য়াওনা ফম্মিন্নদুনা য়ান্নবা খরা পুরক্লবা মতূঙদা তাঙ্খুলগী খুঞ্জা ২১ দু অশোয়-অঙাম অমত্তা য়াওদনা ঙরাং অয়ূক পূঙ ৪ রোম তারকপা মতমদা থাদোরকখিবনি হায়রি।অদূম ওইনমক কিদনেপ্পরশিং অদূনা গারি অনিদুগা লোয়ননা তাঙ্খুল পেসেঞ্জরশিং অদূনা পায়বা মোবাইল ফোন ২১ হৌজিকফাওবা ফাজীন্দুনা থমখিবনা মরম ওইদুনা টেন্সন ৱাংনা লৈনরি হায়রি।
নাকল অমরোমদা, কামজোং দিষ্ট্রিক্ট মনূঙ চন্না লৈবা থৱায় কুকি খুল মনাক্তগী কুকি খুঞ্জা অনী, শকখঙদবশিংনা ফাখ্রবা মতূঙদা শিনা ফংখ্রে।থৌদোক অসীগী মতাঙদা নেস্নেল ইনভেষ্টিগেসন এজেন্সি (এন আই এ) দা শিন্নদুনা থিগৎহল্লগনি হায়বা অচেৎপা ৱাফম চিফ মিনিষ্টর য়ূম্নাম খেমচান্দনা ফোঙদোকখ্রে।
You may also like
-
লম্লাই কেন্দ্রগী ঈমূঙ তরূক বি জে পি থাদোক্লগা কংগ্ৰেস তা য়াওরকখ্রে
-
এগ্ৰিকলচর দিপার্টমেন্ট অসী করপ্সন মকোল ওল্লে: মেঘচন্দ্র
-
সেন্সসকি মায়োক্তা মীয়ামগী ঈরাং পোকখায়বা হৌরক্লে,মীওই তরুক কি মথক্তা শোক্লে
-
কুকি মিলিটেন্টনি চিংনবশিংনা ৱিঙ্গর তোংদুনা লাকখিবা পেসেঞ্জরশিং কিদনেপ তৌখ্রে
-
অমুকোনা গুগুনবু তরাম্না ওক্তুনা খূদোল তমখ্রে