চৎলিবা ফেব্রুয়ারি থা অসীগী ২৬ কি নুংথিল পূঙ ৩ তাবদা ওল মনিপুর ৱার্কিং জর্নেলিষ্ট য়ুনিয়ন (অমজু) , এদিটর্স গিল্ড, মনিপুর ( ই জি এম) অমসুং মিলালগী ওইবা অপূনবা মীফম অমা পাঙথোক্তুনা হৌজিক মনিপুরদা নুংতিগী ফোঙলিবা পাউচেশিং অসীগী ফীভম হেন্না ফগৎহন্নবা অমসুং নুংথিলদা ফোঙলিবা পাউচেশিং অসীদা মীতৈ ময়েক কি কলম খরা চাং নাইনা য়াওহন্নবা ৱাফম খন্নদুনা য়ানবা পুরকখ্রে।
অয়ূক্তা ফোঙবা পাউচেশিংদসু হান্নদগী মীতৈ ময়েক য়াওদুনা লাক্লিবা অসী অদুম্মক কায়হন্দনবা ৱাফমশিং খন্নবগা লোয়ননা নৌনা কনফার্ম তৌখি।
হৌজিক মনিপুরদা মায়োক্নরিবা হীঙশাগী ঈরাঙ মতমশিদা নুংতিগী ফোঙলিবা পাউচেশিং অসী মীয়াম্না কদায় ফাওবা চাং নাইনা পারিবগে হায়বসিগী মতাঙদসু খন্ন-নৈনখি। মীতৈ ময়েক চাওখৎহন্নবগী মতাঙদা মীফম অদুনা কূপ্না খন্নখি।