মনিপুর লৈঙাক অমসুং সেন্টরনা ইন্টর্নেল্লি দিসপ্লেস পার্সন (আই দি পি)শিংগীদমক য়াইফা থৌরাং কয়ামরুম পায়খৎলগনি হায়বগী অচেৎপা থাজবা কয়া পীখ্রবসু ঙসীফাওবদা অঙাঙশিংগী ইদুকেসনগা মরী লৈননা দাইরেক্ট বেনিফিট ট্রান্সফরগী খূত্থাঙদা কান্নবা অমত্তা পীরকপা লৈত্রি। আই দি পিশিংগী য়াইফা থৌরাং অমত্তা লৌখৎলকপসু লৈত্রি। মরম অদুনা ঈরাঙনা শোকহল্লবা মীওইশিং অসী মশা-মশাগী ময়ূমশিংদা হঞ্জিলহন্দ্রিঙৈ মমাঙদা মখোয়গী য়াইফা-থৌরাংশিং হান্না পায়খৎকদবনি হায়বা খোল্লাউশিংগা লোয়ননা কাংপোকপি দিষ্ট্রিক্টকী মনূঙদা রিলিফ কেম্পশিংদা লৈরিবা আই দি পিশিংনা খোঙজঙ চঙশীনখ্রে।
কাংপোকপী দিষ্ট্রিক্টকী চম্ফাই সব-দিভিজনগী কৈথেলমানবি মিলিটরি কোলোনিদা চঙজফম লৌদুনা লৈরিবা ইন্টর্নেল্লি দিসপ্লেস পার্সনশিংনা মখোয়গী পেন্দবা ৱাকৎশিং ফোঙদোক্তুনা, জষ্টিস ফোর আই দি পি হায়না থাবা প্লেকার্দশিংগা লোয়ননা খোঙজঙ চঙশীন্দুনা প্রোটেষ্ট তৌখি।
খোঙজঙ অদূ কাংপোকপি দিষ্ট্রিক্ট ইন্টরনেল্লি দিসপ্লেস পার্সন্স ৱেলফিয়র কম্মিটিনা শীন্দুনা পাঙথোকখিবনি।
You may also like
-
লৈঙাক্কি লোয়শঙশিংদা থাংজা নুমিৎ ছুতি থারম্বদু চৎনহনখিদ্রে, ছুটি লৈররোই
-
ৱাহং তরূক য়াওবা মেমোরেন্দম কোকোমিনা ঙসী সি এমদা পীশীনগদৌরি
-
সি আর পি এফনা কাপ্পদা লৈখিদ্রবা মীওই অহুমগী হকচাং লৌদুনা অরোয়বা মথৌ-মঙম পাঙথোকখ্রে
-
মিলিটেন্টশিংনা অঙাঙ য়াওনা মীওই কয়া হাৎখ্রিবা অসীগী জষ্টিস ফংহন্নবা হোৎনরম্লবদি সিএম বু অথৌবা অমগুম শীঙথানরমগদবনি: শুজাতা
-
নাগাশিংনা কুকি মচা অনীগী গারি মৈ থাখ্রে, পুলিসতা শিন্নখ্রে