ইম্ফালদা লৈরিবা শীজা আই ক্যের হোস্পিটাল অমদি ওল মনিপুর ৱার্কিং জর্নেলিষ্ট য়ুনিয়ন (অমজু) অনীনা খূৎশম্নদুনা নোংমগী ওইবা লেম্না মীৎ লায়েংবগী কেম্প অমা ইম্ফালদা লৈরিবা মনিপুর প্রেস ক্লবকি হোলদা পাঙথোকখ্রে। থৌরম অদুদা শীজা হোস্পিটালগী পি আর ও খাইদেম সুর্জিৎনা হায়, পাউমীশিংনা খুনাইদা লৌরিবা থৌদাং অসি য়াম্না চাউরিবনি।
মীওইবগী মীৎ হায়বসিসু খ্বাইদগী মরু ওইবা ওর্গান অমনি।পাউমীশিংনা মীৎ নুঙাইরক্তবা মতমদা খুনাইগী থবক তৌবদা খুদোংচাদবা কয়ামরুম মায়োক্নরক্তুনা খুনাই অসিদা অচৌবা চৈথেং কয়া নংগদৌরিবনি।ৱাখল্লোন অসীনা মাঙদা থম্লগা শীজা হোস্পিটালনা পাউমীশিংগীদমক য়েংলগা ফ্রী আই স্ক্রিনিং অমসুং কেটরেক্ট সর্জরি কেম্প অসী নোংমগী ওইনা পাঙথোকপনি হায়খি।
অমজুগী প্রসিদেন্ট আসেম ভক্তনা ফোঙদোকখিবদা, পাউমীশিং অসী অসূক্কি মতীক মথৌ চিনবনা মরম ওইদুনা হোস্পিটালদা চত্তুনা লায়েংবগী খুদোংচাবা ফংবা ঙমদে। মরম অদুনা পাউমীশিংগীদমক অসীগুম্বা ফ্রী মেদিকেল কেম্প অমা জেনরেল মেদিসিন অমসুং আই কেম্প অসী পাঙথোকপনি হায়খি।