লমদম অসিদা মৈতৈ অমসুং কুকি কাঙলূপ অনীগী মরক্তা হৌজিক থোক্লিবা হীঙশাগী ঈরাঙ অসী হৌজিক তপ্না-তপ্না মহৌশাগী পুন্সিদা হঞ্জিল্লক্লি।শান্তি হায়বসি নত্তনা য়ান্নদবা অমসুং মূক্নবগী থৌওংশিং শন্তাইননবা পাম্বৈ অমত্তা লৈরোই।ঙসিদি মহৌশাগী ওইবা শক্তম অদূ তপ্না তপ্না হঞ্জিল্লকপা ঐখোয়না উবা ফংলি হায়না চিফ মিনিষ্টর য়ূম্নাম খেমচান্দনা ফোঙদোকখ্রে।
ঙরাং বিষ্ণুপুর দিষ্ট্রিক্টকি মনূঙচন্না লৈরিবা সলাম কোঞ্জিলদা বি জে পি কুম্বি মন্দলনা শীন্দুনা পাঙথোকখিবা মহাকপু ওকপগী থৌরম অমদা ৱাফম অসী চিফ মিনিষ্টরনা ফোঙদোকখিবনি। থৌরমদুদা কুম্বি কেন্দ্রগী এম এল এ প্রেমচন্দ্র,থাঙ্গা এ সিগী এম এল এ টি রোবিন্দ্রো, বিষ্ণুপুর দিষ্ট্রিক্টকি দি সি পুজা এলাংবম অমসুং অতৈ মকোকথোংবা ওফিসারশিং শরুক য়াখি।
হৌজিক আই দি পিশিংনা মখোয়গী ময়ূমশিংদা হঞ্জিঞ্জরগে হায়দুনা লৈঙাক্তা কন্না তকশীল্লক্লি অদুগা লৈঙাক অসীনসু আই দি পিশিং মশাগী ময়ূমদা চঙবা য়াননবা থৌরাং পূম্বা লৌখৎলি।মরকসিদা আই দি পিশিং মশাগী ময়ূমদা চঙবদা অথীংবা পীরকপগী থৌওং অমা চত্থরক্লি হায়বসি লৈঙাক্না খঙলে। অথীংবা পীরিবসি কনাননো,করি মরমগীনো হায়বা থিদোক্তুনা অকনবা মওংদা চৈরাক পীবা মথৌ তারি।খুন্নাইগী য়েক্নবা অমত্তা মহাক্কী লৈঙাক্না লমদমসিদা থম্লোই হায়না চিফ মিনিষ্টর য়ূম্নাম খেমচান্দনা মীয়ামদা ফোঙদোকখি।
You may also like
-
নেস্নেল হায়ৱেশিংদা মনীঙ তম্না মীয়াম্না চত্থোক-চৎশীন তৌবা ঙমহন্নবা মনিপুর হায় কোর্ট তা মালেম্না ৱাকৎখ্রে
-
কোহসেমগী ইগজাম হৌবা নুমিত্তা মহৈরোয়শিংনা মখোয়গী অন্সর স্ক্রিপশিং মৈ থাদোকখ্রে
-
কীষন,তোকেন,রাজেন লৈখিদবগী ১৭ লক শুবা নীংশীং থৌরম পাঙথোকখ্রে
-
ষ্টার্টঅপ ইকো সীস্তেমদা মনিপুরনা অৱাং নোংপোক লমদমদা মাঙজীল থানা চৎলি: চিফ মিনিষ্টর
-
মীতোপ খন্দোক্ট্রিফাওবা মীকোক থীবা য়ারোই:জে এফ দি