ঊখ্রূলদা কুকিশিংনা চঙশীল্লক্লগা নাগা ফূরুপ কি য়ূম কয়ামরুম মৈ থাদোক্লিবা, মৈতৈগা হাৎনা-শুনবগী থৌদোক থোকহল্লিবা,নাগাগী এরিয়াদা কুকিশিংনা জর্মন/টাইগর রোদ শেমজীল্লক্লিবা অমদি নাগালেন্দ দা কুকিশিংনা নাগা কম্যুনিটিগী মথক্তা এত্তেক কয়া ঙাইহাক লৈতনা চত্থরক্লিবসি ইন্দিয়া লৈঙাক্না কুকিগী তোঙানবা ষ্টেট নত্রগা হোমলেন্দ অমা পীননবা অরোনবা থৌরাং অমনি হায়বসি কক্নিঙায় য়াওদ্রবা অচুম্বা অমনি হায়না এন এস সি এন – আই এম্না ফোঙদোরক্লি।
লূপ অসীগী এক্সটর্নেল এফ্যের্স কি পব্লিসিটি ৱিংনা থাদোরকখিবা চেরোল অমদা ৱাফম অসী ময়েক শেংনা পল্লদুনা ফোঙদোরক্লি। চেরোল অদূনা হায়, কুকিশিং অসী ইন্দিয়ানা মখোয়গী জিও-পোলিটিকেলগী অরোনবা থৌরাং তৌরিবা অদূগী পান্দম ফংননবা খূৎলায় ওইনা শীজীন্নরক্লি। সস্পেন্সন ওফ ওপরেসন (সূ) গী মিংদা ইন্দিয়ানা শৌগৎপা কুকি মিলিটেন্টশিং অসীদা ট্রেনিং পীবগা লোয়ননা খূৎলায় মতীক চানা পায়হল্লগা মালেমগী মীয়াম মাঙদনা কুকিশিং অসীবু ভীক্তিম ওইনা উহন্ননবা অরোনবা থৌরাং অসি ইন্দিয়ানা পায়খৎলকপনি।
তোখাইবা হোমলেন্দ অমা কুকিশিংদা পীবা হায়বসি ইন্দিয়াগী মরূওইবা জিও-পোলিতিকেল ষ্ট্রেটেজি অমনি হায়না আই এম্না অকনবা মরাল শীরক্লি।
You may also like
-
অন্দ্রো কেন্দ্র শেমগৎনবা এম এল এ শ্যামকুমারদা ক্রোর ১০ পীরগনি: চিফ মিনিষ্টর
-
মোইরাংপুরেল সি ঐচ সিদা লায়েঙবগী টিকেট মমল লন্নাই হোস্পিটালদগী হেল্লম্লে : পুয়া
-
মনিপুরদা দেঙ্গী লায়নাগী পোজিটিব কেস মশীং হেঙ্গৎলক্লি
-
মশীঙ য়াম্লবা ভক্তশিংনা রথ যাত্রাগী থৌরমদা কাং চিংখ্রে, সি এম, গভর্নরসু শরূক য়াখ্রে
-
ক্লাস নাইন দগী লোল অহুম তমহন্নবগী থৌশিল এস সিনা য়াখিদ্রে