মনিপুরগী চিফ মিনিষ্টর য়ূম্নাম খেমচান্দনা চৎলিবা ফেব্রুয়ারি থা অসীগী ১৪ দা ইম্ফাল রিভর রিজ্যুবনেসনগী প্রোজেক্ত মনূঙচন্না হৌজিক চত্থরিবা শেমগৎ-শাগৎপগী থবক -থৌরমশিং কোয়না চত্তুনা য়েংশিনখ্রে।
ইম্ফাল ইষ্ট দিষ্ট্রিক্টকি খূরায় লম্লোঙ থোংখোংদগী মিটর ১০০ শাংবা মফমশিংদা লৈরিবা তুরেল অসীগী লৈরায় চাশীনবা থিংননবা অমসুং ঈশীঙগী মতীক-ময়ায় ফগৎহন্দুনা মীয়াম্না শীজীন্নবদা অফবা মখলগী ঈশীং ওইহন্নবা পাইলোট প্রোজেক্ট অমা ওইনা প্রোজেক্ট অসী পায়খৎলকখিবনি।চিফ মিনিষ্টরনা শীঙজমৈ ওইনাম থিঙেল পরীঙদা তুরেল অসীগী খোঙনূঙ শেংদোকপগী চত্থরিবা থবক-থৌরমশিংসু য়েংশিনখি।
খূরায় লম্লোঙ থোংখোংদগী শেম্বা হৌরক্লিবা ইম্ফাল পাঙ্গৈ – সাইকুল রোদ অসীগী ফীভম মহাক্না য়েংশিনখিবগা লোয়ননা নোংজুথা মতম য়ৌশিল্লক্ট্রিঙৈ মমাঙদা লম্বী অসী অথূবা মতমদা লোইশিন্দুনা মায়কৈ অশোমগী মীয়ামগী চত্থোক-চৎশিন তৌবদা মায়োক্নরিবা খুদোংঙচাদবশিং অসী কোকহন্ননবা থবক পায়খৎকদবনি হায়না চিফ মিনিষ্টরনা মরী লৈনবা ওফিসিয়লশিংদা অকনবা ইন্সট্রক্সন পীখি।
You may also like
-
২০২৬ সি.ডব্লিউ.জি. গ্লাস্গোদা মনিপুরগী ৱেৎলিফতার বিন্দিয়ারানিনা বোঞ্চ মেদল ফংখ্রে
-
সেক্যুরিটি ফোর্স কি মমাঙমক্তদা কুকিশিংনা তাংখুলশিংদগী চানা-থক্নবা পোৎলমশিং মুন্দুনা লৌখ্রে
-
ষ্টেট লৈঙাক্না শীন্দুনা কার্গিল বিজয় দিবস পাঙথোকখ্রে
-
ককচীং লন্দোংদা লৈবা সোসাইটিগী গোদাউন মীওই খরনা কনাগুম্বা অমদা লোন্না য়োন্থোক্লম্লে
-
নোং কন্না তাবদগী লৌফম কয়া ঈশীং থুমজিনখ্রে, লম্বীশিং তুরেলগা পাঙ্খক ওইরে