আই সি আই সি আই প্রুদেন্সিয়েল লাইফ ইন্সুরেন্স কম্পেনি লিমিতেদনা মসীগী কষ্টমরশিংদা অনৌবা,কান্নরবা খূদোল অমা ওইনা কষ্টমরশিংগী অঙাঙশিংগী তুংলমচত্তা শেল-থুমগী অৱাবা, খুদোংচাদবশিং অমত্তা লৈহন্দনবা প্রদক্ট অমা লোঞ্চ তৌখ্রে।
মসীগী মমিংনা আই সি আই সি আই প্রূ স্মার্টকিদ ৩৬০ হায়না খঙনরি। হয়েং মতূঙ তারকপা মতম হায়বদি স্কুল,কোল্লেজ তম্লিঙৈ নত্রগা অহলগী মতম ওইশিল্লক্লবা মতাঙদা, ঙসীগী মমা-মপা ওইরিবশিংনা মচা ওইবশিংগীদমক থমজিনখিবা ফীক্স দিপোজিৎ নত্রগা লম্প-সম পেআউট ওইনা লৌথোক্কে খনবা,হান্না লেপ্নখিবা মতমদুদা লৌথোকপা য়ারবা অমসুং তোঙান তোঙানবা বেনিফীট কয়াসু হাপকৎলবা পোলিসিগী প্রদক্ট অমনি হায়রি।
মসীদা কষ্টমরশিংনা ফীক্স এমাউন্ট অমখক অকক্নবা মতমগী ওইনা থমজিঞ্জবা য়াই অদূগা, খরা-খরা হেঙ্গৎনা মতম চাং নাইনা থমজিঞ্জরবসু য়াই হায়রি।
প্রদক্ট অসী লোঞ্চ তৌখিবা থৌরমদা আই সি আই সি আই প্রুদেন্সিয়েল লাইফ ইন্সুরেন্স কম্পেনিগী চিফ প্রদক্ট ওফিসার ভিকাস গুপ্তনা হায়,আই সি আই সি আই প্রূ স্মার্টকিদ ৩৬০ অসী মমা-মপা ওইবশিংনা মচাশিংগীদমক মতূঙ তারকপা পুন্সিদা দরকার লৈরক্কদবা শেনফমশিং অদূ অরায়বা মওংদা তূঙশীন্দুনা মতম কুইরবগী তুংদা শেল-থুমগী অৱাবা, খুদোংচাদবা কয়াদগী কোকহন্নবনি। থমজীনখিবা শেনফমগী মতীকচাবা ইন্টরেষ্ট কা লোয়ননা পূন্না অমূক হন্দোকপগী মথক্তা প্রদক্ট অসীনা লম্প-সম পেআউট ওইনা অতৈ অতৈ মেচ্যুরিটি বেনিফিট মখলশিংসু ফংহনগনি হায়বা ৱাফম থমখি।
You may also like
-
ট্রূকোল্লর কম্যুনিটিনা মমাঙগী চহীদা নমথাক্কি পামদবা কোল ১,২০০ রোম ব্লোক তৌখি
-
অঙনফৌ লৌরোক লোইদ্রিফাওবা সনাতোম্ববু ট্রান্সফর তৌবিগনু: লৌমীশিং
-
লৈঙাক্কি এমপ্লোয়িশিংনা ট্রেদ য়ূনিয়নশিংগী খোঙজঙ শৌগৎখ্রে
-
পাউমীশিংগী ভিয়েতনাম খোঙচৎ চিফ মিনিষ্টর খেমচান্দনা লমথাখ্রে
-
রোমেনকুমারনা মতেঙ পাংদুনা খাঙবোক্তা দব্বল ক্রোপ্পিংগী থৌরাং লৌখৎখ্রে