চহী খূদিংগী চহী অমদা লৌরোক অনীরক লোক্ননবা হোৎনদুনা, অঙনফৌগী মখল কয়া পুথোকপগা লোইননা লমদমসিদা পোত্থোক -চাথোক মরাঙ কায়না ফংহন্ননবা হোৎনরিবা থৌবাল দিষ্ট্রিক্টকি খাঙবোক খুঙ্গংগী লৌমীশিংদা কে এম ব্লুমিং হায়র সেকেন্দরি স্কুলগী প্রিন্সিপালসু ওইরিবা সোসিএল ৱার্কর দা.রোমেনকুমার মঙাঙনা অচৌবা মতেঙ পাংদুনা হন্দক চহিগী ওইনসু অঙনফৌ থাননবা থৌরাং লৌখৎপা হৌখ্রে।
খাঙবোক এরিয়াগী মৈতৈ -পাঙলগা তাইনরিবা, লৌখোঙপাৎ হায়না খঙনরবা লৌকোল অসীগী লৌ পরী ১০০ রোম হন্দক খঙহৌদনা ঈশীং থূমজীল্লকপদগী লৌমীশিংনা অঙনফৌ থাবা য়াররোই হায়না ৱাকৎনরকপদগী থীন্থবা তৌদনা দা.রোমেন্না মতেঙ পাংদুনা লৌকোল অসীদা চেল্লিবা লৌখোঙ অদূ টেম্পরেরি সোল্যুসন অমা ওইনা পল অমা শেমদুনা থিংখিবদগী লৌমীশিংগী অৱাবদু কোকহনখিবনি।হৌজিক্তি লৌকোল অসিদা দব্বল ক্রোপ্পিংগী খুদোংচাবা ফংলগনি হায়রি।
মতম চানা মীৎয়েঙ চঙবীদুনা দা.রোমেনকুমারনা হোৎনবদগী মীয়ামগী অৱাবা পূম্নমক কোকহনবিখিবা অদূগীদমক লৌমীশিংনা রোমেনকুমারবু হায়নিঙায় লৈতনা থাগৎচরি হায়বা ৱাফম ফোঙদোকখি।