য়ুনাইটেদ নেস্নেল লিবরেসন ফ্রন্ট (য়ু এন এল এফ) কি লান্মী শঙলূপ অমা ওইনা লৈরিবা মনিপুর পিপল্স আর্মী (এম পি এ) লিংখৎখিবগী চহী ৩৯ শুরকপা মপোক কুমওন থৌরম ঙরাং মফম কয়াদা ঈরৈচাশিংগা লোয়ননা মায় পাক্না পাঙথোকখ্রে হায়না কোয়রেংনা লুচিংবা, আইন্না থিংখ্রবা য়াওল্লূপ অসীগী সেক্রেটরি ওফ পব্লিসিটি এম শকহেন্না থাদোরকপা প্রেস ষ্টেটমেন্ট অমনা খঙহল্লক্লি।
মহাক্কি চেরোল অদুনা হায়, মপোক কুমওন থৌরম অদূ মনিপুরগী মনূঙ অমসুং মপান্দা লৈরিবা পার্টিগী তোঙান তোঙানবা লান্মীগী য়ুনিটশিং, সেন্ট্রেল হেদ ক্বার্টর, এম পি এগী জি ঐচ ক্যু, ট্রেনিং সেন্তর, টেক্টিকেল হেদক্বার্টরশিং, এক্সতর্নেল অমদি রিজনেল এফ্যের্স হেদ ক্বার্টর, লাকপা, কংলৈ, দিষ্ট্রিক্ট হেদ ক্বার্টর শিং অমসুং তম্পাক্কি তোঙান তোঙানবা মফমশিংদা লৈরিবা য়ুনিটশিংদা মীয়ামগী মপূঙফাবা মতেঙগা লোয়ননা মায় পাক্না পাঙথোকখি হায়রি। কোয়রেংনা লুচিংবা য়ূ এন এল এফ কি চেরোল অসীনা মখা তানা হায়, থৌরম অদূগী মরূওইবা শক্তমদি লৈবাক মীয়ামগী নীংতম লালহৌদা থৌনা ফনা থৱায় কৎখ্রবা অথৌবশিংগী মফমদা হৈকৎ-লৈকৎ তমদুনা ইকায়খুম্নবা ঊৎপা, মখোয়গী থৱায়না মপূগী লৈকোলদা ঈঙনা-চীক্না, নুঙাইনা লৈরুনবা থৌনিজবগা লোয়ননা মিনিট অনী তুমীন্না লেপতুনা অৱাবা ফোঙদোকপা হায়রিবশিং অসিনা ওইখি।
মপোক কুমওন পালন অদূগা মরী লৈননা সেন্ট্রেল কম্মিটিগী মিলিটরি এফ্যের্স কম্মিটিনা পুথোকপা চহীগী ৱারোল পাথোকপা অমদি পার্টীগী লান্মী লুচিংবশিংনা কুম্মোন থৌরম অদূগা মরী লৈনবা ৱারোলশিং পীবনা ওইখি হায়রি।
You may also like
-
মীয়াম্না লম্বী থিংবগী অকনবা খোঙজং চঙশীনখ্রে
-
ক্বালিটি মেন্টেইন তৌদবা প্রোজেক্ট নত্রগা কন্সট্রক্সন ৱার্ক অমত্তদা বিল পীদনবা সি এম্না মরী লৈনবা অথোরিটিদা খঙহনখ্রে
-
থাঙ্গাল কৈথেল শেমগৎপগী থবক অথূবদা লোইশিন্ননবা চিফ মিনিষ্টরনা মরী লৈনবশিংদা খঙহনখ্রে
-
পাঙ্গৈদা ক্লিনলিনেস দ্রাইব পাঙথোক্তুনা খ্বাইদগী লূ-নানবা খুঙ্গং ওইহন্ননবা থবক পায়খৎখ্রে
-
নাগা-কুকি অনীগী উংখৎবা হন্থহন্ননবা দিখোনা লূপশিংগা উনখ্রে