ক্বালিটি মপূঙফানা মেন্টেইন তৌদবা প্রোজেক্ট ৱার্ক অমসুং মখল খূদীঙমক্কি কন্ট্রেক্ট ৱার্কশিংদা বিল পীথোক্তনবা চিফ মিনিষ্টর য়ূম্নাম খেমচান্দনা মরী লৈনবা অথোরিটিশিংদা খঙহনখ্রে। ইম্ফালদা কুকি -জো কাঙলূপকি মীওই লাকপদা খুদোংথীবা অমত্তা থোকহল্লোই, মদূগী তেকচাক খূদীঙমক মহাক্কি লৈঙাক্না পুগনি হায়না চিফ মিনিষ্টর অসীনা অচেৎপা থাজবা ৱাফম থমখ্রে।
ৱাফম অসী, মিনিষ্ট্রি ওফ ট্রান্সপোর্ট এন্দ হায়ৱেজগী মখাদা ইম্ফালদগী ককচীঙ লমখায় ফাওবা চৎলিবা, নেস্নেল হায়ৱে ১৩৭-এ শেমজীন্ননবা প্রোজেক্ট লোঞ্চ তৌখিবা থৌরমদা ঙরাং চিফ মিনিষ্টরনা ফোঙদোকখিবনি। ইম্ফাল ৱেষ্ট দিষ্ট্রিক্টকি লংথাবাল লেপ মখা লৈকায়দা মিনিষ্টরশিং অমদি এম এল এশিং য়াওনা পাঙথোকখিবা থৌরমদুদা চিফ মিনিষ্টর খেমচান্দনা পি দব্লিয়ু দি গী চিফ ইঞ্জিনিয়র মশামক দাইজ তা কৌখত্তুনা, ক্বালিটি মেন্টেইন তৌদবা থবকশিংগী বিল পীদনবা মীয়াম মাঙদা খঙহনখিবনি।
হৌজিক মনিপুরদা হীঙশাগী ঈরাং অমত্তা লৈত্রে হায়না লৌবা য়ারে।কনাগুম্বনা লম হেন্দুনা ঈরাং শাগৎনবা হোৎনরক্লবদি মদূগী চপচাবা পাউখুম মহাক্কি লৈঙাক্না পীগনি হায়না চিফ মিনিষ্টর অসিনা ফোঙদোকখি। হন্দক পায়খৎকদৌরিবা লম্বী শেম্বগী থবক অসি মতম কয়াম চঙগদগে হায়না চিফ মিনিষ্টর না কন্ট্রেক্টরশিং অদূ মীয়াম মাঙদা, দাইজতা কৌখত্তুনা হংখি। কন্ট্রেক্টরশিংনা, থবক অসী এপ্রিল থা ফাওবগী মনূঙদা লোইবা ঙমগনি হায়না পাউখুম পীখি। অদূম ওইনমক, মদূ য়ারিবমখৈ মার্চ থা ফাওবগী মনূঙদা লোইবা ঙম্ননবা হোৎনসি হায়না খেমচান্দ না সজেসন পীখি।
You may also like
-
এম পি এ লিংখৎখিবগী ৩৯ শুবা কুম্মোন-থৌরম মায়পাক্না পাঙথোকখ্রে
-
মীয়াম্না লম্বী থিংবগী অকনবা খোঙজং চঙশীনখ্রে
-
থাঙ্গাল কৈথেল শেমগৎপগী থবক অথূবদা লোইশিন্ননবা চিফ মিনিষ্টরনা মরী লৈনবশিংদা খঙহনখ্রে
-
পাঙ্গৈদা ক্লিনলিনেস দ্রাইব পাঙথোক্তুনা খ্বাইদগী লূ-নানবা খুঙ্গং ওইহন্ননবা থবক পায়খৎখ্রে
-
নাগা-কুকি অনীগী উংখৎবা হন্থহন্ননবা দিখোনা লূপশিংগা উনখ্রে