ঈং কুমশিং ১৮৯১ দা থেংনখিবা এঙ্গলো-মনিপুরি ৱারদা থৱায়না পোন্থা পীখ্রবা ঐখোয়গী থৌনা ফরবা ঈপা-ঈপূশিং, লোয়ননা মশক-মমীঙ খঙহৌদ্রবা থৌনা ফরবা লান্মীশিং,অন্দামান অমসুং নিকোবার (কালাপানি) দা ব্রিটিশনা লোই থাখিবা মতমদূগী ঈনীঙথৌ কুল্লচন্দ্র য়াওনা অথৌবা ২৩ অমদি অতৈ মশক খঙবা ঙমহৌদ্রবা মরৈবাক নীংবা মীওইশিংগী খোঙ্গূল লীবা হায়বা ৱাখল্লোন্দা মীওই ২২ না শাবা টিম অমা ঙরাং ইম্ফালগী কংলাদগী অন্দামান অমসুং নিকোবরগীদমক খোঙশানখ্রে।
কংলাগী লাইফমদা খুরুমদুনা থৌনিজরবা মতূঙ,কংলাগী নোংচূপ সন্নথোঙদগী খোঙচৎলোয়শিং অদূ হান্নগী মিনিষ্টর লৈশাংথেম সুসিন্দ্রোনা লমথাখি।থৌরমদুদা পেট্রিওটিক রাইটর্স ফোরম মনিপুরগী হান্নগী প্রসিদেন্ট য়াইস্কুল খ্বাইরাকপম অমদি নাউরোইবম খম্বা লূৱাংনা থৌরম মপূ ওইনা শরুক য়াখি। চৎলিবা জনুৱারী থা অসীগী মঙাদগী তরাহুমদোই ফাওবা,নূমিৎ মাপন্নিগী খোঙচৎ অসি পেট্রিওটিক রাইটর্স ফোরম মনিপুরগী সেক্রেটরি রাকেস নাওরেমনা লুচিংলিবনি।
ফোরম অসীগী থৌমীশিংনা মমাঙদসু চোইজাইননা অসাম, মেঘালয়া,ম্যান্মার,বঙ্গলাদেস,ত্রিপুরানচিংবদা খুন্দাখ্রবা ঈচীল-ইনাওশিংগী মরক্তা অমত্তা ওইনা পূন্সীন্দুনা অপূনবগী শক্তম শাগৎনবা পান্দমদা খোঙচৎ কয়ারক পাঙথোক্লুরবা মতূঙদা হন্দক্কি নুমিৎ মাপন্নিগী খোঙচৎ অসী পাঙথোকপনি হায়না লমথাবগী থৌরমদুদা রাকেস নাওরেমনা ফোঙদোক্লমখি।
You may also like
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে
-
হোষ্টেল শাখিবগী পেন্দিংদা লৈহৌরিবা শেনফম লৈঙাক্না অথূবা মতমদা পীথোকপিয়ু: হোষ্টেল্লর মহৈরোয়শিং
-
চিফ মিনিষ্টারনা সাইনিক স্কুলগী অৱাৎ-অপা য়েংশিনখ্রে
-
গর্লস হোষ্টেল শঙ্গাখিবা চহী ১৫ হেল্লবা মতমসিফাওবা লৈঙাক্না বিল পীথোক্তবসি লাইবক থীবনি:এল তোম্বা