অদূঙৈ কুমশিং ২০২০ গী ফেব্রুয়ারি ২৪ দা দিল্লিদা থোকখিবা কাঙলূপকি খৎন-চৈনবা থৌদোকশিং অদূগী কন্সপিরেসি কেসতা চেন্নবদগী ফাদূনা জেলদা থম্লকখিবা উমর খালিদ অমসুং সর্জিল ইমামগী মায়কৈদগী বেল পীবিয়ু হায়না সুপ্রিম কোর্টতা থাঙ্গৎলকখিবা ৱাকৎ অমা এপেক্স কোর্ট অসীনা রিজেক্ট তৌখ্রে।
কেস অসিদা চেন্নরিবা গুলফিসা ফাতিমা,মিরান হায়দর,সিফিউর রাহমান,মোহম্মদ সলিম খান অমসুং সদাব অহম্মদকি বেল প্লি শিংদি কোর্ট অসীনা অয়াবা পীদুনা থাদোকখ্রবনি।হৌখিবা মমাঙ চহীগী সেপ্তেম্বর থাদা খালিদ অমসুং সর্জিল ইমামগী মায়কৈদগী দিল্লি হায় কোর্ট তা বেল পীবিননবা থাঙ্গৎলকখিবা ৱাকৎ অমা কোর্ট অসীনা রিজেক্ত তৌরকখ্রবা মতূঙদা সুপ্রিম কোর্টতা অমূক বেলপীবিনবা হায়জরকখিবনি।
মখোয় অনিনা থাঙ্গৎলকখিবা বেল প্লি অদূ এপেক্স কোর্ট অসীগী জষ্টিস অর্বিন্দ কুমার অমসুং জষ্টিস এন ভি অঞ্জারিয়াগী দব্বল বেঞ্চনা রিজেক্ত তৌখিবনি। মমাঙ চহীগী ফেব্রুৱারী থাদা সি এ এ অমসুং এন আর সি গী মায়োক্তা মীয়াম্না য়ানীঙদবা ফোঙদোক্তুনা ঈরাং হৌরকখিবা চৈরক্তা কাঙলূপকি খৎন-চৈনবা কয়াসু থোকখিবনি।
You may also like
-
মীরৈবাক্তগী লান্দারক্লফাও লৈঙাক্না য়েংদুনা লৈরি, আই আর বি নত্রগা মনিপুর রাইফলগী বট্টালিয়নশিং ঙমখৈ পরীংদা থম্মু: সি এস ওশিং
-
লূপ-৫ গী থৌমীশিংনা শীন্দুনা মীয়ামগী ৱাকৎ-মীফম পাঙথোকখ্রে
-
পন্দূনা লৈরকখিবা গারি ২৯৩ সেক্যুরিটিনা এস্কোর্ট তৌদুনা ইম্ফাল য়ৌরকখ্রে
-
চাউনা মায় পাক্লকখ্রবা পি ই এস কি মহৈরোয়শিং তরাম্না ওকখ্রে, মনা লান্থোকখ্রে
-
৯ শুবা অথৌবশিংগী নীংশিং থৌরম মপূঙ ফানা পাঙথোকখ্রে