য়ু এস মিলিটরিনা অহীঙ নোংয়াই চবূক তা ওপরেসন চত্থদুনা ভেনিজ্বেলাগী প্রসিদেন্ট নিকোলাস মাদুরো অমসুং মহাক্কি লোয়নবী ফাদুনা পুখিবা থৌওং অদূগী মতাঙদা মালেমগী লৈবাক কয়াদগী ৱাহং কয়ামরুম হংনরক্লি।মায়কৈ কয়াদগী য়ানীংদবা ফোঙদোক্নরক্লি।
য়ু এসকি মায়কৈদগীদি মাদুরো ফাজিনবগী থৌওং অদূ অচূম্বনি হায়দুনা য়াম্না কন্না য়েৎলিবনি।মনীঙতম্বা লৈবাক অমগী লুচিংবা অমা অতোপ্পা লৈবাক অমগী মিলিটরিনা ওপরেসন চত্থদুনা ফাজিনখিবা হায়বসি ইন্টর্নেস্নেল লোগী মতূঙ ইন্না য়াদে।অদূবু করম্না য়ু এসনা অসীগুম্বা কা হেনবা থৌওং চত্থরিবনো হায়না হংনরক্লি।
অমরোমদা, কুমশিং ২০২০ দা ন্যু য়োর্ককি ফেদরেল কোর্টনা নার্কো-টেরোরিজমগা মরী লৈননা পীখিবা এরেষ্ট ওফ ৱারেন্ট অমগী মখাদা মহাকপু ফাবনি হায়না য়ু এস অথোরিটিশিংনা ফোঙদোরক্লি। মহাক্না হৌখিবা চহী ২০ লোম শক্তি পায়খিবা মতমদুদা য়ু এসতা কোকেন মশীঙ লাকঙমদনা থাজীল্লকখি হায়না মরাল শীরিবনি।নার্কো-টেরোরিজম,খূৎলাইগা মরী লৈনবা কেস কয়াদা চাউনা চেন্নৈ হায়বগীদমক মাদুরোবু ফারগা দিটেন্সন কেম্প তা থম্বনি,বিচার চত্থরগনি হায়রক্লি।
