কুমশিং ২০২১ গী হৌগৎলকপদা ম্যান্মার মিলিটরি জুন্টানা কূ তৌদুনা দেমোক্রেটিক লৈঙাক অমা থম্নবগীদমক মীখলদা মায় পাক্লবা দেমোক্রেটিক পার্টিগী লুচিংবি ওং সান ছূ চিবু ফাজীন্দুনা থমখিবদগী প্রো-দেমোক্রেসি রিবেলশিংগা অকনবা লান চত্থদুনা লৈরক্লিবা চৈরক্তা সাউথ এসিয়ান নেসন অসীগী মিলিটরি জুন্টানা চাইনাগী মতেঙগা লোয়ননা মীয়ামগী মীখল অমা থা অসীগী ২৮ দা অহানবা তাঙ্কক্কি ওইনা পাঙথোকখ্রে।
তাঙ্কক অহুম্লক থোক্না পাঙথোক্কদৌরিবা মীখল অসীগী অনীশুবা মীখলনা মথঙ চহীগী জানুৱারি থাগী ১১ দা পাঙথোক্কনি অদুগা অরোয়বা অমসুং অহুমশুবা মীখলনা জানুৱারি ২৫ দা পাঙথোক্কদবনি হায়রি।প্রো দেমোক্রেসী রিবেলশিংনা য়াম্না কন্না য়ানিংদবা ফোঙদোক্তুনা অথীংবা পীরিবগী চৈরক্তা অহানবা তাঙ্কক্কি মীখল অদূ পাঙথোকখিবনি। অহানবা তাঙ্কক্কি মীখল অদুদা নূপী ভোটর মশীঙ য়াম্না থোক্নরকখি।তোঙান তোঙানবা পোলিটিকেল পার্টি ৫৭ কি মীরেপ ৫৭,০০০ হেনবনা হন্দক্কি মীখল অসীদা মখোয়-মখোয়গী লম্বাশিং মায়োক্নরি।মীখলশিদা মায় পাক্লবা মেম্বরশিংনা লাৱর হাওস,অপ্পর হাওস য়াওনা ষ্টেট অমদি রিজনেল এদমিনিষ্ট্রেসনশিংগী মেম্বরশিং ওইগদৌরিবনি।
অনৌবা পার্লিয়ামেন্ত অদূনা প্রসিদেন্ট অমা খল্লবা মতূঙদা অনৌবা য়ুনিয়ন লৈঙাক অমা শেমগদৌরিবনি। ম্যান্মারগী য়ুনিয়ন ইলেক্সন কম্মিসন্না ফোঙদোকখিবা মতূঙ ইন্না,মীখল অসীগীদমক লৈবাক্কি মফমশিংদা পোল্লিং ষ্টেসন ২১,৫১৭ শেম-শাবা লোইরে হায়খি।অহানবা থৌওং ওইনা হন্দক্কি মীখল অসীদা মিক্স মেম্বর প্রোপোর্সন চৎনবগা লোয়ননা এম এম পি সিষ্টেম লৈরে অদুগা ইলেক্ট্রোনিক ভোটিং মেচিন শীজীন্নরি হায়খি।থাইলেগী কাসেটশা য়ুনিভর্সিটিগী লেকচরর অমসুং ম্যান্মার এক্সপর্ট ওইনা লৈরিবা লালিটা হান ওংনা ফোঙদোকখিবদা, ম্যান্মার মিলিটরি জুন্টানা মতম শাংনা পৱার পায়শীনবা য়াননবা তাৎকি মীখলনি হায়খি।