মনিপুরদা হৌজিক লম্বী চিনবগী চাং অকিবা ফংলে। ইম্ফাল অমসুং মসীগী অকোয়বদা লৈরিবা লম্বীশিংদা মী চিনবা, গারী চিন্দুনা ঙাইহাক লৈতনা ট্রাফিক জাম থোকপগী থৌওংশিং নুংনাংনিঙায় ওইবা মওংদা হেঙ্গৎলক্লে।ছুটি নুমিৎ ফাওবদা ট্রাফিক জাম থোকপগী চাং য়াম্না হেঙ্গৎলক্লি। মসিনা মরম ওইরগা ষ্টেট অসীগী শেন্মিৎলোনগী ফীভম শোকচীল্লক্নবা মরম অমসু ওইরি অদুগা নোংমা-নোংমগী পব্লিক সার্বিসতা অকায়বা কয়া পীরি হায়না মনিপুরগী হান্নগী চিফ মিনিষ্টর নোংথোম্বম বীরেন না নুংনাংবা ফোঙদোকখ্রে।
মাইক্রো ব্লোগ্গিং সাইট এক্স তা থাগৎলকখিবা ৱারোল অমদা হান্নগী চিফ মিনিষ্টর অসিনা মহাক্কি ৱাফম অসী ফোঙদোকখিবনি।মহাক্না মখাতানা হায়, ইম্ফাল অমসুং মসীগী অকোয়বা মফমশিংদা অঙকপা ফংনা অকিবগী মশক ওইনা লম্বীশিংদা ট্রাফিক জাম থোকপগী চাং নোংমা-নোংমগী হেঙ্গৎলক্তুনা কা হেন্না খুদোংথীনিঙায় ওইরক্লিবা অসীদগী ঙাকথোক্নবা পান্দমদা ইলিভেটেদ হায়ৱে শেম্বীননবা প্রোপোজেল থাখ্রবসু ঙসীফাওবা পাউখুম পীরক্তবসি পেন্দে।
মহাক্না হায়,সেন্টর লৈঙাক্কি রোদ ত্রান্সপোর্ত অমসুং হায়ৱেজ মিনিষ্ট্রিদা হৌখিবা চহী ২০২০-২১ দা প্রোপোজেল অমা থাদুনা,ইম্ফাল অমসুং মসিগী অকোয়বা মফমশিংদা ইলিভেটেদ হায়ৱে শেম্বীননবা খঙহনবা লৈখ্রবনি।অদূম ওইনমক ঙসী ফাওবা মদূগী পাউখুম পীরকখিদবা অসী লাইবক থীবনি,য়াম্না পেনদে হায়না মহাক্না ফোঙদোকখি। অৱাং নোংপোক্কি অতৈ মফমশিং অমদি লৈবাক অসীগী অতোপ-অতোপ্পা ষ্টেট কয়াদদি অসিগুম্বা মখলগী হায়ৱে কয়ামরূম শেমগৎপদগী লম্বী চিনবগী ফীভম হন্থহনখ্রবনি হায়রক্লি।
You may also like
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে
-
হোষ্টেল শাখিবগী পেন্দিংদা লৈহৌরিবা শেনফম লৈঙাক্না অথূবা মতমদা পীথোকপিয়ু: হোষ্টেল্লর মহৈরোয়শিং
-
চিফ মিনিষ্টারনা সাইনিক স্কুলগী অৱাৎ-অপা য়েংশিনখ্রে
-
গর্লস হোষ্টেল শঙ্গাখিবা চহী ১৫ হেল্লবা মতমসিফাওবা লৈঙাক্না বিল পীথোক্তবসি লাইবক থীবনি:এল তোম্বা