লিয়াংমৈ কৈথেলদা পোৎ লৈবা লাকপা মীয়াম্না ক্রিক-ক্রিক ঈন্নরি

লিয়াংমৈ -ইম্ফাল মার্কেট কম্মিটি অমসুং য়ূথ ওরগানাইজেসন এন্দ স্পোর্টিং ক্লব (ৱাই ও এস সি) খূরায় কোন্সম লৈকায়না খূৎশম্নরগা ইম্ফাল ইষ্ট দিষ্ট্রিক্টকি খূরায় চাইরেন্থোং মনাক্কি পোপ্যুলর হায় স্কুল গ্ৰাউন্দা ঙসী অয়ূক অঙনবদগী লিয়াংমৈ মার্কেট হাংদোকখ্রে।মার্কেট অসীদা পোৎ লৈবা লাকপা, মায়কৈ কয়াদগী থোমজীল্লকপা মীয়াম্না ক্রিক-ক্রিক ঈন্নদুনা লৈরি। মনিপুরগী চীঙগী লমদা মতম-মতমগী পুথোক্লিবা পোত্থোক অয়াম্বা ঙসীগী মার্কেট অসীদা মীয়াম্না য়াম্না পাম্না লৈনরি।হৌজিক নিংথমথাগী মতমসিদা চীঙগী লমদা ফংবা মনা-মশীঙগী পোৎলমশিং,উহৈ-ৱাহৈ,য়ে ন্সাং-নাপী মখলশিং অমদি ঙা নচিংবা কৈথেল অসীদা ফংলি।

মনিপুরগী মনূঙ হঞ্জিন্না লৈরিবা ট্রাইবেলগী লমদগী লাক্লগা তম্পাক লমগী তোঙান তোঙানবা মফমশিংদা চয়োল খূদীঙগী মফম হোং-হোংদুনা লিয়াংমৈ ফূরূপখক্তগী ওইবা কৈথেল অসী শগোলশেন নুমিৎ খূদীঙ ফম্বনি।  ঙসী খূরায় পোপ্যুলর হায় স্কুলগী গ্ৰাউন্দা ফম্লিবা মার্কেট অসী মমাঙদসু মনিপুর তম্পাক্কি অতৈ মফম কয়াদা, শগোলশেন নুমিৎ শিংখক্তদা চয়োল খুদিংগী চাং নাইনা হাংদোক্তুনা লাক্লিবনি। মনিপুরগী অপীকপা য়েলহৌমী ফূরূপ অমা ওইরিবা লিয়াংমৈ ফূরুপকি ঈচীল-ঈনাওশিংগা তম্পাক্তা খুন্দারিবা মৈতৈ অমসুং মৈতৈ -পাঙলশিংগা থায়নদগী লৈরক্লিবা মচীল-মনাও ওইবগী মরীদু হেন্না চেৎশীলহনবগা লোয়ননা অপীকপা ফূরূপ অসী তুংকোইনা য়োকখত্তুনা থম্নবগী অমদি কাঙলূপ অসীগী শেল-থুমগী ফীভম হেন্না ফগৎহন্নবগী ৱাখল্লোন্দা অসীগুম্বা লিয়াংমৈ কৈথেল অসী মতম খরগী মমাঙদগী হাংদোক্তুনা লাক্লিবনি।

নিংথমথাগী অঙনবা অয়ূক ওইবনা অরাপ্পদগী লাক্কদবা মীওইশিং হৌজিক মফম অসীদা মশীঙ য়াম্না য়ৌনরক্ট্রি।অয়ূক্কি মতম লোইখ্রগা নুমিৎয়ুংবা মতম অদুৱায়দদি মীয়ামগী মশীঙ য়াম্না হেঙ্গৎনা তিল্লক্লগনি হায়না লৌনরি।