মনিপুরদা কংগ্ৰেসনা লুচিংবা য়ু পি এগী লৈঙাক লৈরিঙৈ মতমদা নৌনা হাংদোকখিবা দিষ্ট্রিক্ট তরেৎকি মনূঙদা অমা ওইরিবা, হান্না তমেংলোং দিষ্ট্রিক্টকি মনূঙচন্না লৈরম্বা নোনে দিষ্ট্রিক্ট কি ইহান হানবা ওইনা ঙরাং ফায়র সব-ষ্টেসন অমা দিষ্ট্রিক্ট অসীগী লোংমাই পার্ট-৫ দা হাংদোকখ্রে।
মনিপুর ফায়র সর্বিসকি মপাঙ্গল হেন্না কনখৎহন্ননবা,মৈহৌ-লাংপোক য়াওনা মীয়ামগী খুদোংথীবা মায়োক্নরকপা মতমদা খোঙলৈ থুনা চঙশীন্দুনা মীয়ামগী মতেঙ পাংবা ঙম্ননবা পান্দমদা ফায়র সব-ষ্টেসন অসী হাংদোকখিবনি।
থৌরমদুদা হীল এরিয়া কম্মিটিগী চ্যেরমেন অমসুং নূঙবা কেন্দ্রগী এম এল এ দিঙ্গাংলুং গাংমৈ, নোনে দিষ্ট্রিক্ট কি দিপ্যুটি কম্মিস্নার, মনিপুর ফায়র সর্বিসকি দিরেক্তর,নোনে দিষ্ট্রিক্ট পুলিসকি এস পি,সি আর পি এফকি এসিষ্টেন্ট কম্মান্দেন্ট,নোনে পুলিস ষ্টেসনগী ওফিসার ইন-চার্জ,পাষ্টরশিং অমসুং মীয়ামগী লুচিংবা কয়ামরুম শরূক য়াখি।