লৈবাক অসীগী মফমশিং শীন্থুংনা দিসেম্বর ১৬ না লাকপদা চহী খূদীংগী পাঙথোকপগুম হন্দককি চহী অসীদসু পাকিষ্টানগা কুমশিং ১৯৭১ দা লান্থেংনখিবদা লানঙম -ফীরাল থেৎপা ঙমখিবা অদূবু নীংশীংদুনা বিজয় দিবস পালন পাক -সন্না পাঙথোক্নরি।
মসীগী শরুক অমা ওইনা মনিপুরদসু ষ্টেট লৈঙাক্না শীন্দুনা বিজয় দিবস পালন ঙরাং ইম্ফাল ইষ্ট দিষ্ট্রিক্টকি কোনুং মমাঙদা লৈরিবা মনিপুর ষ্টেট ফীল্ম দেভলপমেন্ট সোসাইটিগী ওদিটোরিয়মদা পাঙথোকখি। মরৌ চাউবা পাকিষ্টানগী খূবাম্নুংদগী বাংলাদেশপু মনীঙতম্বা লৈবাক অমা ওইনা লৈননবা মতেঙ পাংবা লান অদূদা ইন্দিয়াগী থৌনা ফরবা লান্মীশিংনা হনবা নাইদনা পাকিষ্টান লান্মীশিংগা থেংনদুনা লানঙম ফীরাল থেৎপা ঙমখিবনি।
থৌদোক অদূবু নীঙশীঙবগী পালন থৌরমদুদা মনিপুরগী গভর্নর অজয় কুমার ভাল্লানা অথোয়বা মীথূঙলেন ওইনা শরূক য়াখি।ষ্টেটকি চিফ সেক্রেটরি পুনিট কুমার গোয়েলসু থৌরমদুদা শরূক য়াখিবগা লোয়ননা ৱা ঙাঙখি।মনিপুর লৈঙাক্কি সিভিল অমসুং পুলিসকি মকোকথোংবা ওফিসিয়েল কয়াসু থৌরমদুদা শরূক য়াখি।
You may also like
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে
-
হোষ্টেল শাখিবগী পেন্দিংদা লৈহৌরিবা শেনফম লৈঙাক্না অথূবা মতমদা পীথোকপিয়ু: হোষ্টেল্লর মহৈরোয়শিং
-
চিফ মিনিষ্টারনা সাইনিক স্কুলগী অৱাৎ-অপা য়েংশিনখ্রে
-
গর্লস হোষ্টেল শঙ্গাখিবা চহী ১৫ হেল্লবা মতমসিফাওবা লৈঙাক্না বিল পীথোক্তবসি লাইবক থীবনি:এল তোম্বা