মনিপুরগী গভর্নর অজয় কুমার ভাল্লানা চ্যের লৌদুনা ঙরাং ইম্ফালগী লোক ভবন্দা হোম অমসুং পুলিস দিপার্টমেন্ট গী ওইনা ষ্টেট লেভেল কনফরেন্স অমা মায় পাক্না পাঙথোকখ্রে।
কনফরেন্স অদূদা মরু ওইনা হন্দক হৌখিবা নবেম্বর ২৮ দগী ৩০ ফাওবদা রাইপুরদা পাঙথোকখিবা লৈবাক অসিগী দিজিপি অমসুং আই জি পিশিংগী কনফরেন্স অদুদা প্রাইম মিনিষ্টর অমসুং হোম মিনিষ্টরনা ফোঙদোকখিবা মরুওইবা ৱাফমশিংগী মতাঙদা ষ্টেটকি দিজিপি রাজিব সিংহনা মরীক চূম্বা ব্রিফীং অমা পীখি।
রাইপুরদা হন্দক পাঙথোকখিবা কনফরেন্স অদূদা মপূঙ ওইবা মীৎয়েং থম্লগা য়াম্না কূপ্না খন্ন-নৈনখিবা ঙরাংগী কনফরেন্স অদূদা দিজিপিনা ৱাফমশিং থম্লদুনা হায়,রাইপুরদা চত্থখিবা লৈবাক অসীগী দিজিপি অমসুং আই জি পিশিংগী কনফরেন্স অদুদা লো এন্দ ওর্দরগী ফীভম ফগৎহনবা, মপাঙ্গল কনখৎহনবা, নূপীশিংগী সেফটি,কাউন্টর টেরোরিজম,লেফ ৱিং এক্সট্রিমিজম লাকশীনবা,এন সি ও আর দিগী মতাং,দিজাষ্টর মেনেজমেন্ট,ফোরেন্সিক সাইন্স মপাঙ্গল কনখৎহনবা,সিভিল দিফেন্স,মাস এজিটেসন মেনেজমেন্ট নচিংবগী মরমদা মপূঙফানা নৈনখিবা মায় পাকপা কনফরেন্স অমা ওইখি হায়না ফোঙদোকখি।