অৱাং নোংপোক্কীদমক হার্ত কেয়রদা এপোল্লো এক্সেলকেয়র হোস্পিতালনা পুৱারী শেমখ্রে

গুৱাহাতিদা লৈবা এপোল্লো এক্সেলকেয়র হোস্পিতালনা অৱাং নোংপোক লমদমদা অহানবা ওইনা কম্বাইন্দ ত্রান্সকেথেতর এওর্তিক ভাল্ব ইমপ্লান্তেসন (তি.এ.ভি.আই.) অমসুং এঞ্জিওপ্লাস্তী মায় পাক্না পাংথোক্তুনা মেদিকেলগী ওইবা মরুওইবা মায়পাকপা অমা ফংলে। মসিগী মরুওইবা মায়পাকপা অসিনা লমদম অসিদা লৈরিবা অনাবশিংদা এদভান্স কার্দিয়েক কেয়র ফংহনবদা অচৌবা খোঙথাং অমা ওইরি।

অনৌবা থৌওং অসি অমুক্তা কমপ্লেক্স ওইবা কার্দিয়েক ইন্তরভেন্সন অনি পাংথোক্নবা লেপ্পা লৈতনা তেংবাং পীন্দুনা – দা. নীল বর্দোলোই (দিরেক্তর অমসুং হেদ – কার্দিওলোজী), দা. ধনজিৎ নাথ, দা. অমিতভা মিশ্রা অমসুং দা. দিগান্তা বোরগোহেননা – কার্দিওলোজিস্তশিংগী মশক থোকপা তীম অমনা লুচিংখি। মশাগী চহি ৬৭ শুরবা শিল্লোং, মেঘালয়াগী নুপা অমা (মিং হোংদোক্লবা) অসি লেফ সর্কমফ্লেক্স (এল.সি.এক্স)তা চাউনা ব্লোক অমা লৈবগা লোয়ননা শাথিবা এওর্তিক স্তেনোসিস – হার্তকী এওর্তিক ভাল্ব খুজিল্লকপা – দাইগ্নোস তৌখি। পেসেন্ত অসি চাং নাইনা দাইলাইসিস তৌবগা লোয়ননা কেস অসি ক্রোনিক কিদনিগী লায়না (সি.কে.দি. স্তেজ ৫) না হেন্না লুশিনহনখি।

মহাক্কী হকশেল ফত্তবা অমসুং সর্জরীগী খুদোংথিবা ৱাংনা  লৈবনা মরম ওইদুনা, ওপন-হার্ত সর্জরী অসি শাফদে হায়না লৌখি। মসিগী মহুত্তা তীম অসিনা এনস্থেসিয়া সাইকল অমগী মখাদা তি.এ.ভি.আই. অমসুং এঞ্জিওপ্লাস্তীবু থৌওং অমা খক্তদা পুনশিন্দুনা মিনিমেল্লী ইনভেসিভ ওইবা, কেথেতরদা য়ুম্ফম ওইবা থৌওং অমা শিজিন্ননবা খনখি। দোক্তরশিংনা অহানবদা ব্লোক তৌরবা অরতরী অদু হাংদোক্নবা এঞ্জিওপ্লাস্তী তৌদুনা ঈগী ঈচেল অদু অমুক হন্না চেলহনখি, তুংদা খুদক্তা তি.এ.ভি.আই. তৌখি, মসিদা নারিবা এওর্তিক ভাল্ব অদু মহুৎ শিন্দোক্নবগীদমক বেল্লুন-এক্সপেন্দেবল মাইভেল প্রোস্থেতিক ভাল্ব অমা ইমপ্লান্ত তৌখি। মসিগী দ্যুএল ইন্তর্ভেন্সন্না কনভেন্সনেল ওপন-হার্ত সর্জরীগী ত্রোমা থোকহন্দনা কার্দিয়েক ফঙ্কসন অমুক হন্না ফগৎহনখি।