মনিপুরদা ঙাইহাক লৈতনা বন্দ,জেনরেল ষ্ট্রাইক, শেনখাই-থুমখাই তৌবা,নেস্নেল হায়ৱেশিংদা লেন্দস্লাঈদনচিংবা য়াম্না তোয়না মায়োক্নবা অসীনা মরম ওইদুনা ওন্ট্রপ্রিন্যরশিংদা অমদি সধারন মীয়ামগী থবক-থৌরমশিংদা অচৌবা চৈথেং পীরি,খুদোংচাদবা কয়ামরুম মায়োক্নরগা লাক্লি।মসীনা লমদমসিগী ইকোনোমিদসু য়াম্না শোকচীলহল্লি হায়না ওল মনিপুর ওন্ট্রপ্রিন্যর এসোসিয়েসনগী প্রেসিদেন্ট থাংজম জয়কুমারনা ফোঙদোকখ্রে।
ইম্ফাল ইষ্ট দিষ্ট্রিক্টকি নিলকুথি ফুটপাত্তা লৈবা লীক্লা কেম্পসতা থা অসীগী ১৩ দা পাঙথোকখিবা এসোসিয়েসন অসীগী ৪২ শুবা মপোক-কুম্মোন থৌরমদা ৱা ঙাঙবদা ৱাফম অসী জয়কুমারনা ফোঙদোকখিবনি। বন্দ ব্লোকেদ,জেনরেল ষ্ট্রাইক,লেন্দস্লাইদখক নত্তনা মখল-মখা কয়াগী মরম চাদবা শেনখাই-থুমখাই অমদি এক্সটোর্সনগী থৌওংশিং অসীনা ওন্ট্রপ্রিন্যরশিংদা য়াম্না চাউনা চৈথেং পীরকপনা লমদমসিগী ইকোনোমিগী ফীভম নোংমা-নোংমগী শোকচীল্লক্লিবসি লৈঙাক্না মীৎয়েং চঙবিদুনা থবক পায়খৎফম থোকই হায়না জয়কুমারনা মখা তানা ফোঙদোকখি।
মসীনা ঐখোয়গী কম্পিটিটিব মার্কেটতসু অচৌবা শাফূ অমা পীরি।মসীগীসু মথক্তা মনিপুরদা চৎনবী অমা ওইনা শিন্থা লেপ্পগী থৌরম অসিনসু মীয়ামগী শেল-থুমগী ফীভমদা য়াম্না শাথীনা শোকহল্লি হায়না মহাক্না ফোঙদোকখিবগা লোয়ননা হীরমশিং অসীদা মরী লৈনবশিংনা খরা হেন্না খন্থহন্নিংই হায়খি।