কোবিদ-১৯ গী লায়না-লাইচৎ মতম শাংনা মায়োক্নরকখিবদগী লৈবাক অসিগী ওইনা হৌখিবা কুমশিং ২০২১ দা পাঙথোক্কদবা ১৬ শুবা মীকোক থীবগী থবক অদূ মতম শাংনা য়ৈথোক্তুনা লৈরকখ্রবা মতূঙদা, লাক্কদৌরিবা কুমশিং ২০২৭ তা ওইনা চত্থনবা য়ুনিয়ন কেবিনেটনা ৱারেপ লৌখ্রে।
প্রাইম মিনিষ্টর নরেন্দ্র মোদিনা চ্যের লৌদুনা পাঙথোকখিবা কেবিনেট মীফম অদূ লোইরবা মতূঙদা য়ুনিয়ন মিনিষ্টর ফোর ইনফোর্মেসন এন্দ ব্রোদকাষ্টিং আস্বিনি বাইস্নোনা পাউমীশিংদা হায়,পাঙথোক্কদৌরিবা মীকোক থীবগী থবক অসীদা পূন্না লূপা ক্রোর ১১,৭১৮ চাদিং তৌগনি।ইন্যুমরেটর লাখ ৩০ রোম শীজীন্নগনি অদূগা তাঙ্কক অনী থোক্না মীকোক থীগনি।অহানবা তাঙ্কক্তা কুমশিং ২০২৬ কি এপ্রিলদগী সেপ্তেম্বর ফাওবদা য়ূমথোঙ মশীঙ থীগনি।কুমশিং ২০২৭কি ফেব্রুয়ারিদনা মীকোক মশীঙ থীগনি হায়খি।
লাদাখ,জম্মু কাস্মির,হিমাচল প্রদেস অমসুং উত্তরখন্দগী ওইনদি কুমশিং ২০২৬ কি সেপ্তেম্বর থাদা মতম ঙনখৎনা মীকোক থীবগী থবক পায়খৎকনি।ইন্যুমরেটরশিংনা য়ূমথোঙ খূদীং চঙদুনা মোবাইল এপ্লিকেসনগী খূত্থাঙদা য়ূম অমসুং মীকোক থীবগী থবক পায়খৎকনি। থৌরাং অসী লৌখৎপদা নুমিৎ ৫৫০ রোম চঙলবা য়াই হায়খি।
মিনিষ্টর না মখাতানা হায়, য়ূম মশীং থীবদা খুদোং চানবগীদমক হাওস লিষ্টিং ব্লোক (ঐচ এল বি) ক্রিয়েটর ৱেব মেপ এপ্লিকেসন শেমগৎপগী থবক লোইশিল্লক্লে। লৈবাক অসীনা নীংতম্বা ফংলবা মতূঙ ইহান হানবা ওইনা কাষ্ট দেটা কল্লেক্সন তৌননবা থবকসু পায়খৎপা হৌরে হায়না মিনিষ্টরনা ফোঙদোকখি।
You may also like
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে
-
হোষ্টেল শাখিবগী পেন্দিংদা লৈহৌরিবা শেনফম লৈঙাক্না অথূবা মতমদা পীথোকপিয়ু: হোষ্টেল্লর মহৈরোয়শিং
-
চিফ মিনিষ্টারনা সাইনিক স্কুলগী অৱাৎ-অপা য়েংশিনখ্রে
-
গর্লস হোষ্টেল শঙ্গাখিবা চহী ১৫ হেল্লবা মতমসিফাওবা লৈঙাক্না বিল পীথোক্তবসি লাইবক থীবনি:এল তোম্বা