মনিপুর বি জে পিগী এম এল এশিং চৎলিবা দিসেম্বর ১৪ গী নুমিদাংৱাইরমদা ন্যু দিল্লিদা পাঙথোক্কদবা মীফমদা শরূক য়ারনবা অকনবা য়াথং অমা পার্টি হায়-কম্মান্না পীরকখ্রে।এম এল এশিং মশা-মশাদা হকথেঙননা টেলিফোনগী খূত্থাঙদা খঙহল্লকখিবা ওইবনা ঙসী অমসুং হয়েংফাওবগী মনূঙদা এম এল এশিং দিল্লিদা চঙখ্রগনি। হন্দক্কি পাঙথোক্কদৌরিবা মীফম অসী মনিপুরদা পোপ্যুলর লৈঙাক অমা থম্নবগীদমক অরোয়বা মীফমসু ওইরগদবা মরম্না কুকি -জো এম এল এশিং সু শোয়দনা শরূক য়াগনি হায়বগী চপচাবা থাজবা লৈরে।
পোপ্যুলর লৈঙাক অমা থম্নবগীদমক অরোয়বা পাঙথোক্কদৌরিবা মীফম অসীদা লৈঙাক শেম্বগী মতাঙদা কনামত্তনা মরৈ-মরা তৌবসু য়াহল্লোইদৌরি।কুকি -জো এম এল এশিং মনিপুর লৈঙাক শেম্বগী মতাঙদা মশানা মশাগী ৱারেপ লৌজবা ঙমজদ্রি হায়বসি সেন্টরগী বি জে পি লুচিংবশিংনা নীঙথিনা খঙঙি।মখোয় মিনিষ্টর ওইগে হায়রবসু ওইহনগনি,ওইরোই হায়রবসু এম এল এ ওইনা লৈজবা য়াগনি অদূবু সেপরেট এদমিনিষ্ট্রেসনগী ৱাফমদি খক হৌদোরকপা য়ারোই হায়বসি হায় কম্মান্দগী লেঙদ্রবা ফিরেপ ওইরি।
হন্দক্কি মীফমসিগী মতূঙদা ওবজার্বর অমা থারক্তুনা লৈঙাক শেম্বগী থবক-থৌরমশিং মহাক য়াওনা পাঙথোক্কদবনি হায়রি।পার্টিগী হেদ-ওফিসতা পাঙথোক্লবা য়াই হায়না পানরিবা মীফমসিদা মৈতৈ অমসুং কুকি -জো কাঙলূপকি এম এল এশিং হকথেঙননা উনহল্লগা ৱারী শানহনগনি। নাতৈ চাদবা,য়ুনিটি অমসুং লৈবাক্কি ইন্টিগ্ৰিটিদা অকায়বা ওইগদবা ৱাফম অমত্তা হৌদোরকপা য়াহল্লোইদৌরি।
You may also like
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে
-
হোষ্টেল শাখিবগী পেন্দিংদা লৈহৌরিবা শেনফম লৈঙাক্না অথূবা মতমদা পীথোকপিয়ু: হোষ্টেল্লর মহৈরোয়শিং
-
চিফ মিনিষ্টারনা সাইনিক স্কুলগী অৱাৎ-অপা য়েংশিনখ্রে
-
গর্লস হোষ্টেল শঙ্গাখিবা চহী ১৫ হেল্লবা মতমসিফাওবা লৈঙাক্না বিল পীথোক্তবসি লাইবক থীবনি:এল তোম্বা