য়ূরোপিয়ান বোল্টিক নেসন অমা ওইরিবা লেটভিয়াদা নূপীনা নূপাদগী মশীঙ য়াম্না হেল্লকপগা লোয়ননা নূপীশিংনা সোসিয়েল মেদিয়া প্লেটফোর্মশিংগী খূত্থাঙদা মপূরোইবশিং শেল পীদূনা কৌবগী ফীভমফাওবা লৈরক্লে হায়রি।
মপূরোইবশিং শেল য়াম্না পীদুনা লৈরবা মতূঙদা য়ূম্বানমিন্নবা অমদি ঈমূঙ-মনূঙগী থবক্তা শীজীন্নবগী চৎনবী অমা লৈরক্লি হায়না য়ুরো ষ্টেটকি রিপোর্ট অমদা ফোঙদোরক্লি।লেটভিয়াদা নূপী মশীংনা নূপাদগী চাদা ১৬ লোম হেন্না ৱাংনা লৈখ্রে।মরম অসীনা ঈমূঙ-মনূঙগী অমদি সোসিয়েল ফঙ্কসনশিংদা নূপীশিংনা নূপাদগী য়াম্না হেন্না মশীঙ য়াম্না থবক পাঙথোক্লি।লৈবাক অদুদা লৈরিবা নূপাশিং অদূগী চাদা ৩৫ রোমদি মৈখূ শীজিন্নবগী হৈনবি লৈরি।
মসীগীসু মথক্তা য়ু থকপা নূপাশিংগী মশীঙসু কা হেন্না য়ামখৎলকপদগী হকচাঙগী অরূম্বা হেঙ্গৎলকপদগী লৈবাক অদূদা নূপা অয়াম্বা এক্তিব ওইবা ঙমদবা,য়াম্না ঙন্না পুন্সি লোমখিবনচিংবা মরমশিং অসিনা লৈবাক অদূদা নূপাগী মীশীং কা হেন্না হন্থরকখিবনি হায়না রিপোর্ট অসীনা ফোঙদোরক্লি।
