মনিপুরগী নিংথৌসু ওইরিবা ষ্টেট অসীগী মহুৎ শিন্দুনা রাজ্য সভাগী মেম্বর ওইনসু লৈরিবা লৈশেম্বা সনাজাউবনা পারলিয়ামেন্টকি নিংথম সেসন্দা ঙরাং তকশীনখিবা মতূঙ ইন্না,বিষ্ণুপুর দিষ্ট্রিক্টতা লৈরিবা ব্রিক টেম্পল হায়রগসু মীয়াম্না হেন্না খঙনরিবা বিষ্ণু টেম্পল অসী হেন্না মশক থোক্না লৈহন্ননবা য়োকখত্তুনা থম্বিনবা সেন্টর লৈঙাক্কি মীৎয়েং চিংশিনখ্রে।
ঙরাং জেরো অৱারগী মতমদা রাজ্য সভাগী এম পি অসিনা ফোঙদোকখিবদা,ইম্ফালদগী কিলোমিটর ২৭ লোম লাপ্না লৈরিবা,বিষ্ণুপুর দিষ্ট্রিক্টকি বিষ্ণু মন্দির অসী মনিপুরদা লৈরিবা অরীবা লাইগী মন্দিরশিংগী মনূঙদা খ্বাইদগী লিরবা অমনি।মন্দির অসী অদূঙৈ কুমশিং ১৪৬৭তগী ১৫০৮ ফাওবদা কংলৈপাক্তা নিংথৌ ওইনা পাল্লম্বা ঈনীংথৌ ক্যামবগী মতমদা শারম্বনি হায়বা ৱাফম পার্লিয়ামেন্টতা ফোঙদোকখি।
য়ূমথঙনরিবা মতমদূগী বর্মাগী নিংথৌদগী বিষ্ণুগী এমব্লেম অমা ফংলবা মতূঙদা লাইশং অসী শাখিবনি হায়বা ৱারোলশিং সনাজাউবনা পার্লিয়ামেন্ট তা থমখি।
